အာဆီယံနှင့် တရုတ်၊ ဂျပန်၊ ကိုရီးယားတို့ ပါဝင်သည့် ASEAN + 3 ဆွေးနွေးပွဲ တစ်ရပ်ကို နိုဝင်ဘာ ၄ ရက် နံနက်ပိုင်းက ထိုင်းနိုင်ငံ ဘန်ကောက်ရှိ IMPACT Forum Sapphire 204 တွင် ကျင်းပပြုလုပ်ခဲ့သည်။

ယင်းဆွေးနွေးပွဲတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပြည်ထောင်စု ဝန်ကြီးများဖြစ်သော ဦးသောင်းထွန်၊ ဦးကျော်တင် တို့နှင့်အတူ မြန်မာကိုယ်စားလှယ်အဖွဲ့ တက်ရောက်ခဲ့သည်။

ဆွေးနွေးပွဲတွင် တရုတ်ဝန်ကြီးချုပ် လီခယ်ကျင်း၊ ဂျပန်ဝန်ကြီးချုပ် ရှင်ဇိုအာဘေးနှင့် တောင်ကိုရီးယားသမ္မတ မွန်ဂျေအင်းတို့ တက်ရောက်၍ အာဆီယံနှင့် ပူးပေါင်းဆောင်ရွက်မည့် ကိစ္စရပ်များအပေါ် ဆွေးနွေးခဲ့သည်။