ဘာစီလိုနာအသင်းသည် ယခုရာသီ လာလီဂါပြိုင်ပွဲတွင် လစာအများဆုံးပေးရသည့်အသင်းအဖြစ် ဆက်လက် ဦးဆောင်ခဲ့ကြောင်း သိရှိရသည်။
၂၀၁၉-၂၀ ရာသီတွင် လာလီဂါအသင်း(၂၀)ပေးချေရသည့် စုစုပေါင်းလစာပမာဏမှာ ယူရို(၂.၉၄)ဘီလီယံရှိပြီး ဘာစီလိုနာအသင်းက ယူရို(၆၇၁.၄၂)သန်းဖြင့် ဦးဆောင်ခဲ့ခြင်းဖြစ်သည်။
ဘာစီလိုနာအသင်းသည် ပြီးခဲ့သည့်ရာသီက ယူရို(၆၃၂.၉၇)သန်း ပေးခဲ့ရ၍ ယခုရာသီတွင် ပိုမိုမြင့်တက်လာခြင်းလည်း ဖြစ်သည်။
ဘာစီလိုနာနည်းတူ ရီးယဲလ်နှင့် အက်သလက်တီကိုတို့မှာလည်း မြင့်တက်လာခဲ့သည်။
ထို့ပြင် ရီးယဲလ်အသင်းသည် ပြီးခဲ့သည့်ရာသီက ပေးချေခဲ့ရသည့်လစာမှာ ယူရို(၅၆၆.၅၃)သန်းသာရှိပြီး ယခုရာသီတွင် ယူရို (၆၄၁.၀၅)သန်းဖြစ်လာသောကြောင့် တိုးတက်မှုနှုန်းအ များဆုံးအသင်းလည်း ဖြစ်ခဲ့သည်။
ယခုရာသီ လာလီဂါတွင် လစာငွေ ယူရိုသန်း(၁၀၀)အထက် ပေးချေရသည့်အသင်း (၈)သင်းရှိနေပြီး လစာအနည်းဆုံးပေးရသည့်အသင်းမှာမူ ယူရိုသန်း(၃၀)မပြည့်သည့် မာယော့ကာဖြစ်သည်။
