Photo:PSV Twitter
PSVအသင်းသည် ဒတ်ချ်လက်ရွေးစင်ကွင်းလယ်လူဟောင်း ဗန်ဘွန်းမဲလ်ကို အသင်းနည်းပြသစ်အဖြစ် ခန့်အပ်ခဲ့သည်။
(၄၁)နှစ်အရွယ်ရှိ ဗန်ဘွန်းမဲလ်သည် ဖီနာဘာချီသို့ ပြောင်းရွှေ့တော့မည့် နည်းပြ ဖိလစ်ကိုကူး၏နေရာတွင် အစားထိုးတာဝန်ယူရမည်ဖြစ်သည်။
ဗန်ဘွန်းမဲလ်သည် PSVအသင်းတွင် (၇)နှစ်ကြာကစားခဲ့ပြီးနောက် ဘာစီလိုနာ၊ ဘိုင်ယန်မြူးနစ်၊ အေစီမီလန်အသင်းသို့ ရောက်ရှိခဲ့ပြီး PSVမှာ ကစားသမားဘ၀ အဆုံးသတ်ခဲ့သည်။
PSVလူငယ်အသင်းနည်းပြဖြစ်ခဲ့သူ ဗန်ဘွန်းမဲလ်က စိန်ခေါ်မှုအသစ်အတွက် လုံလောက်သည့်အတွေ့အကြုံရှိပြီဟု ထင်မြင်မိကြောင်း ပြောကြားခဲ့သည်။
၎င်းသည် လက်ရှိတွင် ကမ္ဘာ့ဖလားပြိုင်ပွဲဝင် သြစတြေးလျအသင်း၌ ယောက္ခမဖြစ်သူ ဗန်မာဝစ်ခ်၏လက်ထောက်နည်းပြအဖြစ် ဆောင်ရွက်လျက်ရှိသည်။
