မန်စီးတီးအသင်းသည် နော်ဝေတိုက်စစ်မှူး ဟာလန်းကို တစ်ပတ် လစာပေါင်(၅၀၀၀၀၀)အထိ တိုးမြှင့်ပေး၍ သက်တမ်းတိုးစာချုပ်ချုပ်ဆိုရန် စီစဉ်နေကြောင်း သိရသည်။
ဟာလန်းသည် လက်ရှိအချိန်၌ တစ်ပတ်ပေါင် (၃၇၅၀၀၀)ရရှိနေသူဖြစ်ပြီး တစ်ပတ်ပေါင်(၄၀၀၀၀၀)ရရှိနေသည့် အသင်းဖော် ဒီဘရိုင်းနား၏နောက်တွင် ပရီးမီးယားလိဂ်နှင့် မန်စီးတီးအသင်း၏ ဒုတိယလစာအများဆုံးကစားသမားအဖြစ် ရပ်တည်နေသည်။
မန်စီးတီးအသင်းက ဟာလန်းကို ပရီးမီးယားလိဂ်၏ လစာအများဆုံးကစားသမား ဖြစ်လာစေမည့် လစာနှုန်းထားဖြင့် သက်တမ်းတိုးရန် စီစဉ်နေခြင်းဖြစ်သည်။
မန်စီးတီးအသင်း သည် ၂၀၂၇ ခုနှစ်၌ စာချုပ်သက်တမ်းကုန်ဆုံးမည့် ဟာလန်းကို ၂၀၂၉ ခုနှစ် အထိ သက်တမ်းရှိသည့် စာချုပ်သစ် ပြင်ဆင်ချုပ်ဆိုရန် လိုလားနေခြင်းဖြစ်ပြီး ၎င်းနှင့် ချုပ်ဆိုထားသည့် လျော်ကြေးစာချုပ်ကိုလည်း ပယ်ဖျက်ပစ်ရန် ဆန္ဒရှိနေကြောင်း သိရသည်။
ဟာလန်းကို ရီးယဲလ်မက်ဒရစ်၊ ဘာစီလိုနာ၊ PSG စသည့် ဥရောပထိပ်သီးအသင်းများက ခေါ်ယူရန် ချိန်ရွယ်နေသည့်အတွက် မန်စီးတီးအသင်းက သက်တမ်းတိုးရန် စီစဉ်နေခြင်းလည်းဖြစ်သည်။
ဟာလန်းသည် မန်စီးတီးအသင်းနှင့်အတူ ခြေစွမ်းပြနိုင်နေသူဖြစ်ပြီး မန်စီးတီးအသင်းအတွက် ပြိုင်ပွဲစုံ(၁၁၄)ပွဲကစား ကာ (၁၀၅)ဂိုး သွင်းယူပေးထားသည်။
