မန်ယူနိုက်တက်ရဲ့ဖွဲမီးလို တမြေ့မြေ့ လောင်ကျွမ်းနေတဲ့ ပြဿနာတွေက အာမိုရင်မ်လက်ထဲ ရောက်လာပါပြီ။ ဖာဂီခေတ်လွန်မှာမန်ယူရဲ့နည်းပြ ရှာပုံတော်ခရီးဟာ မဆုံးနိုင်ဘူး။ ပြုပြင်လို့မဆုံးနိုင်ခဲ့ဘူး။ လီဗာပူးလ်နဲ့မန်စီးတီးက ယာဂန်ကလော့ပ်၊ ဂွါဒီယိုလာတို့နဲ့ ခေတ်ပြောင်းတော်လှန်ရေးဆင်နွှဲနေချိန်မှာ မန်ယူနိုက်တက်က နွံထဲနစ်နေဆဲပဲ။ နည်းပြအမျိုးအစားမျိုးစုံ ခန့်အပ်ခဲ့သလို၊ စံချိန်တင်ငွေကြေးသုံးစွဲမှုတွေ လုပ်ခဲ့ပေမယ့်လည်း အကြောင်းမထူးခဲ့ဘူး။ မန်ယူနိုက်တက်ရဲ့ အရှိန်အဝါကို နည်းလမ်းပေါင်းစုံနဲ့ ပြန်လည်တည်ဆောက်ပေမယ့် နစ်သထက်နစ်လာတယ်။ ရုန်းလေနစ်လေဖြစ်ခဲ့ပါတယ်။ လူတောသူတောမတိုးတဲ့ ဘဝကနေ မန်ယူနိုက်တက် လွတ်မြောက်ရေးအတွက် တက်သစ်စလူငယ်နည်းပြ အာမိုရင်မ်နဲ့စွန့်စားခန်းဖွင့် လိုက်ပါတယ်။