မေဂျာလိဂ်အကောင်းဆုံးကစားသမားဆု အတွက် ဆန်ခါတင်(၅)ဦးစာရင်းတွင် အင်တာမိုင်ယာမီအသင်းမှ မက်ဆီနှင့် ဆွာရက်ဇ်တို့ ပါ ဝင်ခဲ့ကြောင်း သိရသည်။
၂၀၂၄ ရာသီ မေဂျာလိဂ်အကောင်းဆုံးဆုအတွက် ဆန်ခါတင်စာရင်းများကို ကြာသပတေးနေ့က ထုတ်ပြန်ခဲ့ရာ အကောင်းဆုံးကစား သမားဆုအတွက် ဆန်ခါတင်(၅)ဦးစာရင်းတွင် မက်ဆီနှင့် ဆွာရက်ဇ်တို့ ပါဝင်ခဲ့ခြင်းဖြစ်သည်။
မေဂျာလိဂ်အကောင်းဆုံးကစားသမားဆု ဆန်ခါတင်(၅)ဦးစာရင်းတွင် အင်တာမိုင်ယာမီအသင်းမှ မက်ဆီနှင့် ဆွာရက်ဇ်၊ ဘန်တီကီ(ဒီစီယူ နိုက်တက်)၊ အီဗန်ဒါ(ပေါ့တ်လန်းတင်ဘာစ်)၊ ကူချိုဟာနန်ဒက်ဇ်(ကိုလံဘတ်စ်ခရူ)တို့ ပါဝင်ခဲ့သည်။
အကောင်းဆုံးနည်းပြဆုအတွက် ဆန်ခါတင်(၃)ဦးစာရင်းတွင် ခရစ္စအာမက်စ်(ကော်လို ရာဒိုရက်ပစ်)၊ မာတီနို(အင်တာမိုင်ယာမီ)၊ နန်စီ (ကိုလံဘတ်စ်ခရူ)တို့ ပါဝင်ခဲ့သည်။
မက်ဆီက အကောင်းဆုံးကစားသမားဆုရရှိရန် ရေပန်းအစားဆုံးဖြစ်နေပြီး ကိုလံဘတ်စ်ခရူအသင်းနည်းပြ နန်စီက အကောင်းဆုံးနည်းပြဆုရရှိရန် ရေပန်းအစားဆုံးဖြစ်နေကြောင်း သိရသည်။
မေဂျာလိဂ်သည် အကောင်းဆုံးဂိုးသမားဆုနှင့် အကောင်းဆုံးနောက်တန်းဆုများကိုလည်း သီးသန့်ချီးမြှင့်သွားမည်ဖြစ်ရာ အကောင်းဆုံး နောက်တန်းဆုအတွက် ဆန်ခါတင်(၃)ဦးစာရင်းတွင် မက်ဆီ၏အသင်းဖော် အယ်လ်ဘာလည်း ပါဝင်နေကြောင်း သိရသည်။
