စပိန်တောင်ပံတိုက်စစ်ကစားသမား နီကိုဝီလျံစ်က လက်ရှိအချိန်တွင် အပြောင်းအရွှေ့ကိစ္စများကို စိတ်မဝင်စားဘဲ ယူရိုပြိုင်ပွဲကိုသာ အာရုံစိုက်ထားကြောင်း ပြောကြားခဲ့သည်။

ဘီလ်ဘာအိုတောင်ပံတိုက်စစ်ကစားသမား နီကိုဝီလျံစ်အား ခေါ်ယူရန် ဘာစီလိုနာအပါအဝင် ဥရောပထိပ်တန်းအသင်းများစွာက စိတ်ဝင်စားနေကြောင်း သိရှိရသည်။

သို့သော် နီကိုဝီလျံစ်က ''သတင်းတွေကို ကျွန်တော် ဖတ်ရပါတယ်။ ဘာတွေဖြစ်လာမလဲဆိုတာကို ကျွန်တော် မသိသေးပါဘူး။ ဒါပေမဲ့ အခုအချိန်မှာတော့ ကျွန်တော့်အနေနဲ့ ယူရိုပြိုင်ပွဲကိုပဲ အာရုံစိုက်ထားပါတယ်''ဟု ပြောကြားခဲ့သည်။