ရာသီဝက်ချန်ပီယံဆိုတာ တကယ်တော့ ဂုဏ်ဒြပ်တစ်ခု၊ မှတ်တမ်းတစ်ခုသာဖြစ်ပြီး ရာသီကုန်ချိန် ချန်ပီယံဆုအတွက် အဆုံးအဖြတ်တော့ မပေးနိုင်ပါဘူး။ ရာသီဝက်ချန်ပီယံဖြစ်တိုင်းလည်း ရာသီကုန်ချိန်မှာ ချန်ပီယံမဖြစ်နိုင်ပါဘူး။ ဒါပေမဲ့ ခရီးတစ်ဝက်ကို အကောင်းဆုံးဖြတ်သန်းနိုင်ခဲ့ကြောင်း သက်သေပြရာတော့ ရောက်ပါတယ်။ ပြီးတော့ ရာသီဝက်ချန်ပီယံဖြစ်တဲ့အသင်းတွေက ရာသီကုန်ချိန်မှာ ချန်ပီယံဆုနဲ့ လွဲခဲ့ရင်တောင် ချန်ပီယံလိဂ်ဝင်ခွင့်တစ်နေရာကိုတော့ အခိုင်အမာရယူနိုင်လေ့ရှိပါတယ်။