ဒီရာသီ ဘာစီလိုနာအသင်းရဲ့ စွမ်းဆောင်ရည်အကောင်းဆုံးကစားသမားတွေကို ပြောပါဆိုရင်တော့ ကန်ဆယ်လိုနဲ့ ဂျော်အိုဖေးလစ်တို့လို့ပဲ ဆိုရမှာပါ။ သူတို့နှစ်ယောက်က အသင်းကို အဓိကအကျိုးပြုနေသူတွေဖြစ်ပြီး ပြည်တွင်း၊ ပြည်ပပြိုင်ပွဲတွေမှာ ဘာစီလိုနာအသင်းကို ပခုံးထမ်းတင်နေသူတွေလို့တောင် ပြောလို့ရပါတယ်။ လီဝန်ဒေါစကီးတို့လို ကြယ်ပွင့်တွေ၊ ပတ်ဒရီတို့လို အရည်သွေးမြင့် လူငယ်တွေ ဒဏ်ရာပြဿနာ ကြုံတွေ့နေချိန် မှာ အသင်းရဲ့သွင်းဂိုးတွေအတွက် သူတို့နှစ်ဦးရဲ့ ကဏ္ဍက အတော်လေးကို အရေးပါခဲ့တယ်။ နိုင်ပွဲအတွက် သွင်းဂိုးနဲ့ ဖန်တီးမှုတွေကို ဘာစီလိုနာပရိသတ်တွေကိုယ်တိုင် သူတို့ဆီက ပိုမိုမျှော်လင့်လာခဲ့ကြတယ်။ သူတို့ (၂)ယောက်စလုံးက ဘာစီလိုနာနည်းပြ ဇာဗီရဲ့ စိတ်ကြိုက်ကစားသမားတွေဖြစ်ပြီး လာလီဂါရပ်ဝန်းမှာ ဘယ်လောက်အထိ တောက်ပလာဦးမလဲဆိုတာကိုတော့ ဆက်လက်စောင့်ကြည့်ရမှာဖြစ်ပါတယ်။