ဟာဇက်ဆိုတာ စောစောကြွေသင့်တဲ့ ကြယ်တစ်ပွင့် မဟုတ်ပါဘူး။ ပြီးတော့ အခုလို ရုတ်တရက်ဖျော့မှိန်ပျောက်ကွယ်သွားသင့်တဲ့ ကြယ်တစ်ပွင့်လည်း မဟုတ်ပါဘူး။ ဟာဇက်ဟာလည်း စီရော်နယ်လ်ဒိုနဲ့ မက်ဆီတို့လို မဟာဘောလုံးသမားနှစ်ဦးပေါ်ထွန်းတဲ့ခေတ်မှာ ဖြတ်သန်းကြီးပြင်းခဲ့ရသူဖြစ်တာကြောင့် ရသင့်သလောက်မရခဲ့၊ ရောက်သင့်သလောက် မရောက်ခဲ့တဲ့ ကစားသမားတစ်ယောက်လို့လည်း သတ်မှတ်နိုင်ပါတယ်။ စီရော်နယ်လ်ဒိုနဲ့ မက်ဆီတို့ကို မကျော်လွှားနိုင်ခဲ့ပေမဲ့ ဟာဇက်ရဲ့ ကိုယ်ရောင်ကိုယ်ဝါကလည်း လင်းလင်းလက်လက်တောက်ပခဲ့ဖူးတာပါပဲ။