မက်ဂွိုင်းရားက တကယ်ပဲ အမှားတွေနဲ့  နေသားကျနေသူလား။ ဒါမှမဟုတ် ပြင်ဆင်ဖို့ ကြိုးစားနေရင်း ကံတရားက မျက်ကွယ်ပြုထားသူလား။ မက်ဂွိုင်းရားကို ဝေဖန်အပြစ်တင်လှောင်ပြောင်တာတွေဟာ လိုအပ်တာထက် ပိုများနေသလား။ သေချာတာက မက်ဂွိုင်းရားက ဝေဖန်သံတွေကို ဂရုစိုက်မနေပါဘူး။ တန်ဟက်ဂ်က "မက်ဂွိုင်းရား ကြုံနေရတာ စိတ်ပျက်စရာကြီးဆိုတာ လူတိုင်းသိပါတယ်။ဒါပေမဲ့ မက်ဂွိုင်းရားကို အသင်းခေါင်းဆောင်ရာထူးကနေ ဖယ်ရှားလိုက်တာဟာ အသင်းအတွက်ရော၊ သူ့အတွက်ပါ ကောင်းမွန်ပါတယ်။ မက်ဂွိုင်းရားက ကျွန်တော်တို့အသင်းအတွက် အရေးပါနေဆဲပဲ။ သူ့နေရာ သူပြန်ရအောင် တိုက်ပွဲဝင်ခွင့်ရှိပါသေးတယ်။ မက်ဂွိုင်းရားမှာ အလားအလာ ကောင်းရှိပါတယ်။ အခုအချိန်မှာ သူ အာရုံပိုစိုက်ရပါမယ်။ ဗဟိုခံစစ်ကစားသမားတစ်ဦးဟာ အသင်းဖော်တွေနဲ့ နားလည်မှု ကောင်းရမှာဖြစ်သလို စုစုစည်းစည်း ကစားနိုင်ရပါမယ်"လို့ ပြောခဲ့ဖူးတယ်။