ဆီးဗီးလ်သို့ သွားရာလမ်း

Photo: Getty Images

Published 6 April 2022

ဒီရာသီယူရိုပါလိဂ်ကွာတားဖိုင်နယ်အဆင့်အတွက် မဲခွဲအပြီးမှာ ချန်ပီယံဆုအတွက် ရေပန်းအစားဆုံးဖြစ်နေတာကတော့ နာမည်ကြီး ဘာစီလိုနာပါ။ ဘာစီလိုနာဟာ ၂၀၀၃-၀၄ ရာသီမှာ ယူရိုပါလိဂ်ပြိုင်ပွဲ (ထိုစဉ်က UEFA ဖလား) ကို ယှဉ်ပြိုင်ပြီးနောက်ပိုင်း ဒီရာသီမှာမှ တစ်ကျော့ပြန် ယှဉ်ပြိုင်ခဲ့ရတာဖြစ်ပါတယ်။ ချန်ပီယံလိဂ်အုပ်စုအဆင့်ကနေ ထွက်ခွာခဲ့ရတဲ့ ဘာစီလိုနာဟာ ယူရိုပါလိဂ်ကို ကူးပြောင်းယှဉ်ပြိုင်ခဲ့ရပြီး အမှား အယွင်းကင်းကင်းနဲ့ ကွာတားဖိုင်နယ်ကိုရောက်ရှိလာခဲ့ပါပြီ။ ဘာစီလိုနာလို ချန်ပီယံလိဂ်ဆုဖလား (၅)ကြိမ်ရထားတဲ့ အသင်းတစ်သင်းအတွက် ယူရိုပါလိဂ်ချန်ပီယံဆုဟာ မက်လောက်စရာမဟုတ်ပေမဲ့ ဖလားမရတာထက်စာရင်တော့ ကျေနပ်စရာဖြစ်စေပါလိမ့်မယ်။ ဘာစီလိုနာဟာ ဒီရာသီမှာ စပိန်ဘုရင့်ဖလား၊ ချန်ပီယံလိဂ်နဲ့ စပိန်စူပါဖလားပြိုင်ပွဲတွေက ထွက်ခွာခဲ့ရပြီးဖြစ်သလို လာလီဂါမှာလည်း ချန်ပီယံဆုရဖို့ အခွင့်အရေးနည်းပါးနေလို့ သူတို့အတွက် တစ်ခုတည်းသောအနီးစပ်ဆုံး ဆုဖလားအောင်ပွဲဟာ ယူ ရိုပါလိဂ်ဖြစ်လာခဲ့ပါတယ်။