ကနေဒါဟာ အားကစားနဲ့ပတ်သက်ရင် ရေခံမြေခံကောင်းမွန်သလို၊ ဘောလုံးအားကစားနည်းအတွက်လည်း အရည်အသွေးမြင့်ထုတ်ကုန်တွေ ရှိခဲ့ဖူးတာပဲ။ ဒါပေမဲ့ ကမ္ဘာ့ဖလားအိပ်မက်ဟာ တစ်ကြိမ်တစ်ခါပဲ ပွင့်ခဲ့ဖူးတယ်။ ၁၉၈၆ ကမ္ဘာ့ဖလားမှာ  ကစားခွင့်ရတာဖြစ်ပြီး တစ်မှတ်မှမရတဲ့ ခပ်ညံ့ညံ့ မှတ်တမ်းသာ ပိုင်ဆိုင်ခဲ့ဖူးတယ်။ ၂၀၁၈ ကမ္ဘာ့ဖလားခြေစစ်ပွဲကာလတုန်းကဆိုရင် ကွန်ကာကပ်ဖ်ဇုန်ရဲ့ နောက်ဆုံးအဆင့်တောင် မရောက်ခဲ့ဘူး။ ကနေဒါအမျိုးသားဘောလုံးအသင်းမှာ ယုံကြည်စိတ်နဲ့ အတူတကွတည်ရှိမှု ပျောက်ဆုံးနေခဲ့တယ်။ ဒါကို ဂျွန်ဟာ့ဒ်မန်း ပြုပြင်ပေးခဲ့ရတယ်။ နည်းဗျူဟာလုပ်ငန်းစဉ်ဟာ အသင်းတစ်သင်းအတွက် အရေးကြီးပေမဲ့ အဲဒီအရာကို ဖန်တီးမယ့်နည်းပြကို ယုံကြည်မှုမရှိရင် ဘာတန်ဖိုးမှမရှိပါဘူး။ ဂျွန်ဟာ့ဒ်မန်းက ဒီသဘောတရားကို နားလည်ခဲ့တယ်။