ရှမ်းပြည်နယ်မြောက်ပိုင်း မူဆယ်မြို့နှင့် လားရှိုးမြို့တို့၌ နိုဝင်ဘာ ၃ ရက်နေ့၌ အသံမိုင်း ပေါက်ကွဲမှုဖြစ်ပွားခဲ့ကြောင်းသိရသည်။
မူဆယ်မြို့ ဟိုမွန်ရပ်ကွက် ပြည်ထောင်စုလမ်းမကြီးပေါ်ရှိ ရဲစခန်းနှင့် တစ်ဖါလုံခန့်အကွာ ဟိုမွန်ရပ်ကွက် အုပ်ချုပ်ရေးမှုးရုံးနှင့် ပေ ၈၀၀ ခန့်အကွာ MBT WiFi ရုံးအရှေ့၌ ယနေ့ည ၆ နာရီခွဲအချိန်ခန့်က အသုံမိုင်းတစ်လုံးပေါက်ကွဲခဲ့ရာ ရုံအရှေ့ အမိုးအဖီတစ်ခု ထိခိုက်ပျက်စီးခဲ့ပြီး လူသူအထိအခိုက်မရှိကြောင်း အနီးအနားနေသူ မူဆယ်ဒေသခံများထံက သိရသည်။
“ရုံးက ညနေ ၄နာရီခွဲဆိုပိတ်တာ ၊အခုအချိန်က COVID ကာလဆိုတော့ အများသူငှာလာရင် အပြင်မှာထိုင်ရအောင် ကြိုးတန်ပြီး ကာထားတဲ့နေရာ၊ပေါက်တာကတော့ ၆ နာရီခွဲအချိန်ခန့်မှာ၊အသံကတော့တော်တော်ကျယ်တယ်၊အဲ့ရုံးရဲ့အပြင်မှာကာထားတဲ့အမိုးဘဲထိခိုက်တာ လူထိခိုက်မှုတော့မရှိပါဘူး” ဟု အနီးအနားနေသူများကပြောသည်။
ထိုပြင် လားရှိုးမြို့ လားရှိုးမန္တလေး ပြည်ခောင်စုလမ်းမကြီးပေါ် ပြည် ထောင်စုကြံခိုင်ရေးနှင့်ဖွံ့ဖြိုး ရေးပါတီ ရုံးအနီး၌ ယနေ့ နေ့နိုဝင်ဘာလ ၃ ရက် နံနက် ၇ နာရီခွဲအချိန်ခန့်က အသံမိုင်းတစ်လုံးပေါက်ကွဲခဲ့ခြင်းဖြစ်ကြောင်း နှင့် လူသူအထိအခိုက်ဒဏ်ရာရရှိမှုမရှိခဲ့ကြောင်း
လားရှိုးမြို့ခံသူတစ်ဦးက ပြောကြားသည်။
