အာစင်ဝင်းဂါးဆီကနေ  ယွန်းဘတ်အမွေရခဲ့တာ လူငယ်တွေရဲ့ လုပ်နိုင်စွမ်းအပေါ် ယုံကြည်ခြင်းပါပဲ။ ပြီးတော့ Man managementပါပဲ။ လူငယ်တွေဆီကနေ ပြန်လည်သင်ယူခြင်းကိုလည်း ယွန်းဘတ် ခုံမင်ခဲ့ပါတယ်။ အာဆင်နယ် ယူ-၁၅ ၊ အာဆင်နယ် ယူ- ၁၆ ၊ အာဆင်နယ် ယူ-၁၉ အသင်းတွေမှာ ကျင်လည်ပြီးနောက် ယွန်းဘတ်ဟာ ဝုလ်ဖ်ဘတ် လက်ထောက်နည်းပြအဖြစ် စွန့်စားခန်းထွက်ခဲ့ပါသေးတယ်။ ပြီးတော့ အာဆင်နယ်ယူ-၂၃  အသင်းဆီ ပြန်ရောက်လာသူဟာ သူတစ်ခါမှ မမျှော်လင့်ထားဖူးတဲ့ အာဆင်နယ်နည်းပြဘဝကိုလည်း ခေတ္တပိုင်ဆိုင်ခွင့်ရဖူးတယ်။ အဲဒီကာလတွေဟာ သင်ယူပြီးရင်းသင်ယူနေရချိန်တွေပဲ။ Elite အလွှာကို ခပ်မြန်မြန်ရောက်ရမယ်လို့  ယွန်းဘတ် စိတ်ကူးယဉ်မနေပါဘူး။ အခုဆိုရင် နည်းပြလောကထဲ ကျင်လည်လာတာ (၅)နှစ်ရှိ ခဲ့ပါပြီ။ ဆုဖလားအောင်မြင်မှု၊ ကျော်ကြားမှုဆို တဲ့အရာတွေထက် ပတ်သက်ခဲ့ရသူတွေအပေါ်  အကောင်းဆုံးနားလည်ပေးနိုင်သူအဖြစ်သာ သူ့ ကိုယ်သူ တည်ဆောက်နေတယ်။