စပါးအသင်းသည် အသင်းအတွက် ခြေစွမ်းပြကစားနေသည့် တောင်ကိုရီးယား ကြယ်ပွင့်ကစားသမား ဆွန်ဟောင်မင်အား တစ်ပတ်လုပ်ခ ပေါင် (၂)သိန်းဖြင့် သက်တမ်းတိုးစာချုပ်ချုပ်ဆိုရန် နီးစပ်နေပြီဟု သိရှိရသည်။
ဆွန်ဟောင်မင်သည် စပါးအသင်းတွင် တစ်ပတ်လုပ်ခ ပေါင် (၁၄၀၀၀၀) ရရှိနေသူဖြစ်သည်။ ယခုအခါ စပါးအသင်းက ၎င်းတို့အသင်း၏ ကြယ်ပွင့်ကစားသမားအား ၂၀၂၆ ခုနှစ်အထိ နှစ်ရှည်သက်တမ်းတိုးစာချုပ်ချုပ်ဆိုရန် ကမ်းလှမ်းကာ လစာငွေကိုလည်း (၃၅)ရာခိုင်နှုန်းခန့် တိုးမြှင့်ပေးခဲ့ရာ ဆွန်ဟောင်မင်ဘက်က လက်ခံရန် နီးစပ်နေပြီဖြစ်ကြောင်း သိရှိရသည်။
ဆွန်ဟောင်မင်သည် ၂၀၁၅ ခုနှစ် နွေရာသီအပြောင်းအရွှေ့အတွင်း ဂျာမန်ကလပ် လေဗာကူဆင်အသင်းမှ စပါးအသင်းသို့ ပြောင်းရွှေ့လာခြင်းဖြစ်ပြီး စပါးအသင်းအတွက် ပြိုင်ပွဲစုံ (၂၄၂)ပွဲကစား (၉၅)ဂိုးသွင်းယူထားသည်။
ထို့ပြင် ဆွန်ဟောင်မင်သည် ပြီးခဲ့သည့် ၂၀၁၈-၁၉ ရာသီနှင့် ၂၀၁၉-၂၀ ရာသီများအတွက် စပါးအသင်း၏ အကောင်းဆုံးကစားသမားဆုကိုလည်း ရရှိခဲ့သူဖြစ်သည်။
