ချယ်လ်ဆီးအသင်းသည် စနေနေ့က ယှဉ်ပြိုင်ကစားသည့်ပွဲတွင် တန်းတက်ဝက်စ်ဘရွန်းအသင်းအား သုံးဂိုးပြတ်ရှုံးနိမ့်နေရာမှ သုံးဂိုးပြန်လည်သွင်းယူနိုင်သဖြင့် သရေတစ်မှတ်ရရှိသော်လည်း ခံစစ်ပိုင်းအမှားကြောင့် ဦးဆောင်ဂိုးများ အလွယ်တကူခွင့်ပြုခဲ့ရခြင်း ဖြစ်သည်။
ချယ်လ်ဆီးအသင်းသည် ပြီးခဲ့သည့်ရာသီက ကိုယ်တိုင်ပြုလုပ်သည့်အမှားများကြောင့် ဂိုးပေးခဲ့ရသည့်အရေအတွက်ကို ယခုရာသီ ပွဲစဉ် (၃) အပြီးမှာပင် လိုက်မီသွားပြီဖြစ်ကြောင်း သိရသည်။
ချယ်လ်ဆီးအသင်းသည် စနေနေ့က ယှဉ်ပြိုင်ကစားသည့်ပွဲတွင် တန်းတက်ဝက်စ်ဘရွန်းအသင်းအား သုံးဂိုးပြတ်ရှုံးနိမ့်နေရာမှ သုံးဂိုးပြန်လည်သွင်းယူနိုင်သဖြင့် သရေတစ်မှတ်ရရှိသော်လည်း ခံစစ်ပိုင်းအမှားကြောင့် ဦးဆောင်ဂိုးများ အလွယ်တကူခွင့်ပြုခဲ့ရခြင်း ဖြစ်သည်။
ပထမဂိုးမှာ အလွန်ဆို၏ ခေါင်းတိုက်ပေးပို့မှု အားနည်းချက်ကြောင့် ပါရဲရား ရရှိသွားပြီး ရော်ဘင်ဆင်က သွင်းယူခဲ့ခြင်းဖြစ်သလို ဒုတိယဂိုးမှာလည်း သီယာဂိုဆေးလ်ဗား၏အမှားမှတစ်ဆင့် ရော်ဘင်ဆင်ကပင် သွင်းယူခဲ့ခြင်းဖြစ်သည်။
ချယ်လ်ဆီးအသင်းသည် ယခုရာသီတွင် ကိုယ်တိုင်ပြုလုပ်သည့် အမှားကြောင့် သုံးဂိုးခွင့်ပြုထားရပြီး ၂၀၁၉- ၂၀၂၀ တစ်ရာသီလုံးတွင်ပေးခဲ့ရသည့် ဂိုး အရေအတွက်ကို ပွဲစဉ် (၃) အပြီးမှာပင် ပြန် လည်လိုက်မီသွားခြင်းဖြစ်သည်။ သီယာဂို ဆေးလ်ဗားမှာလည်း ၂၀၁၈ ခုနှစ် သြဂုတ် နောက်ပိုင်း ပရီးမီးယားလိဂ်ပွဲဦးထွက်တွင် မိမိအမှားကြောင့် ဂိုးပေးရသည့် ပထမဆုံး Outfield ကစားသမား (ဂိုးသမားမဟုတ်သည့် အခြားသူ) အဖြစ် မှတ်တမ်းဝင်ခဲ့သည်။
ချယ်လ်ဆီးအသင်းနည်းပြ လမ်းပတ်ကလည်း ယခုပွဲမှ အမှားများမှာ မိမိတို့အတွက် သင်ခန်းစာတစ်ခုဖြစ်ကြောင်း သုံးသပ်ပြောကြားခဲ့သည်။ "ဒါက ကျွန်တော်တို့အတွက် သင်ခန်းစာကြီးတစ်ခုပါပဲ။ နှစ်မှတ်ဆုံးရှုံးသွားရတာပါ။ အခုလိုပြောတာ ဝက်စ်ဘရွန်းကို လေးစားမှုမရှိလို့ မဟုတ်ပါဘူး။ အမှားတွေလုပ်ခဲ့တယ်ဆိုတာ သေချာပါတယ်။ ဒီအမှားတွကြောင့် အမှတ်တွေဆုံးရှုံးခဲ့ရပြီး ကိုယ့်ကိုယ်ကိုယ် တောင်ပေါ်တက်ခိုင်းသလိုဖြစ်သွားတာပါ" ဟု လမ်းပတ်က ဆိုသည်။
