ချန်ပီယံလိဂ်ဗိုလ်လုပွဲ ယှဉ်ပြိုင်ကစားမည့် တနင်္ဂနွေနေ့တွင် မာဆေးလ်မြို့၌ PSG  အသင်း၏အင်္ကျီကို ဝတ်ဆင်ခြင်းမပြုရန် ဒေသခံရဲတပ်ဖွဲ့က တားမြစ်ပိတ်ပင်လိုက်ကြောင်း သိရသည်။ 

မာဆေးလ်နှင့် PSG  တို့မှာ ခါးသီးသည့် ပြိုင်ဘက်များဖြစ်ပြီး ပရိသတ်များကြား ပြဿနာမကြာခဏဖြစ်ပွားတတ်သောကြောင့် ယခုကဲ့သို့ ပိတ်ပင်ခြင်းဖြစ်ကြောင်း သိရသည်။ 

သို့သော် နေရာအကန့်အသတ်ဖြင့်သာ တားမြစ်ခြင်းဖြစ်သလို၊ အချိန်ကာလအားဖြင့်လည်း (၁၂)နာရီသာ ကြာမြင့်မည်ဖြစ်သည်။ 

မာဆေးလ်အသင်းသည် ချန်ပီယံလိဂ်ဖလားရရှိဖူး သည့် တစ်သင်းတည်းသော ပြင်သစ်ကလပ်ဖြစ်သည်။

PSG အသင်းသည် ချန်ပီယံလိဂ်ဗိုလ်လုပွဲအဖြစ် သြဂုတ်လ (၂၂)ရက်တွင် ဘိုင်ယန်မြူးနစ်အသင်းနှင့် ပေါ်တူဂီနိုင်ငံ၊ လစ္စဘွန်းမြို့ရှိ Estádio da Luz ကွင်း၌ ကစားမည်ဖြစ်သည်။