အိမ်ရှင်အဖြစ် လက်ခံကျင်းပနေသည့် ၂၀၁၉ ဆီးဂိမ်းစ်ပြိုင်ပွဲကြောင့် ဖိလစ်ပိုင်နိုင်ငံအတွင်းရှိ ကျောင်းနှင့် တက္ကသိုလ်အချို့ ခေတ္တပိတ်ထားမည်ဖြစ်ကြောင်း သိရသည်။ 

ဖိလစ်ပိုင်တာဝန်ရှိသူများအနေဖြင့် အားကစားပြိုင်ပွဲများတွင် ပရိသတ်များပြားစေရန်နှင့် လူငယ်များစိတ်ဝင်စားလာစေရန် ယင်းကဲ့သို့ ဆောင်ရွက်ခြင်းဖြစ်သည်။ 

တက္ကသိုလ်နှင့် ကျောင်းအချို့မှာ ပြီးခဲ့သည့်ရက်ပိုင်းက စတင်ပိတ်ထားခဲ့ပြီး ကျန်တက္ကသိုလ်နှင့် ကျောင်းအချို့မှာလည်း ယခုရက်ပိုင်းအတွင်း ခေတ္တပိတ်မည်ဖြစ်ကာ ဆီးဂိမ်းစ်ပြိုင်ပွဲပြီးမှ ပြန်လည်ဖွင့်လှစ်မည် ဖြစ်ကြောင်း သိရသည်။