ပြီးခဲ့သည့်ဗီရိုနာအသင်းနှင့် စီးရီးအေပွဲစဉ်တွင် နာပိုလီအသင်းအတွက် (၂)ဂိုးသွင်းယူနိုင်ခဲ့သော တိုက်စစ်မှူး မီလစ်ခ်က စာချုပ်သစ်ချုပ်ဆိုရန် ဆွေးနွေးမှုများ ပြုလုပ် သွားမည်ဖြစ်ကြောင်း အတည်ပြုခဲ့သည်။ 

မီလစ်ခ်သည် နာပိုလီအသင်းနည်းပြ အန်ဆယ်လော့တီ၏ ဦးစားပေး တိုက်စစ်မှူးတစ်ဦးမဟုတ်ဘဲ ဗီရိုနာအသင်းနှင့်ပွဲတွင်မှ လက်ရှိရာသီ၏ ပထမဆုံးဂိုးသွင်းယူနိုင်ခဲ့ခြင်းဖြစ်သည်။ 

မီလစ်ခ်က " ဒီရာသီရဲ့ ပထမဆုံးဂိုးသွင်းယူနိုင်ခဲ့လို့ ကျွန်တော်ပျော်ရွှင်ရတယ်။ ပြီးတော့ နာပိုလီအသင်းလည်း နိုင်ခဲ့လို့ပိုပြီးပျော်ရွှင်ရပါတယ်။ ကျွန်တော်ပွဲတွေ ပိုကစားပြီး ဂိုးတွေပိုသွင်းချင်ပါတယ်။ နာပိုလီအသင်းမှာ ကျွန်တော် နေသားကျနေပြီး စာချုပ်သစ်ချုပ်ဆိုဖို့ မကြာခင် ဆွေးနွေးသွားပါမယ်" ဟု ပြောကြားခဲ့သည်။