ရီးယဲလ်မက်ဒရစ်အသင်း တစ်ကျော့ပန်နည်းပြ ဇီဒန်းသည် ပရီးမီးယားလိဂ်နာမည်ကျော်ကစားသမားများဖြစ်သည့် ပေါ့ဘာနှင့် ဟာဇက်တို့ကို လာမည့်နွေရာသီအပြောင်းအရွှေ့တွင် အရခေါ်ယူပေးရန် အသင်းဘုတ်အ ဖွဲ့ထံ တောင်းဆိုခဲ့သည်ဟု ဗြိတိန်သတင်းစာ Daily Mail က ဖော်ပြခဲ့သည်။
ရီးယဲလ်အသင်းသို့ ဇီဒန်း ပြန်လာလာချင်း PSG လူငယ်ကြယ်ပွင့် ဘာပေမှာ အဓိကပစ်မှတ်ဟု သတင်းများထွက်ပေါ်ခဲ့သော်လည်း လက်ရှိအချိန်တွင် လက်လျှော့ခဲ့ဖွယ် ရှိနေသည်။
PSG အသင်းသည် ဘာပေအတွက် ကမ်းလှမ်းမှုများကို ငြင်းဆန်ရန်အသင့်ရှိနေသဖြင့် ရီးယဲလ်မှာ ဘာပေကိုခေါ်ယူမည့်အစီအစဉ်ကို ၂၀၂၀ ပြည့်နှစ်အထိ ရွှေ့ဆိုင်းထားဖွယ်ရှိသည်ဟု သတင်းများက သုံးသပ်ရေးသားခဲ့ကြသည်။
ထို့ကြောင့် ချယ်လ်ဆီးနှင့် စာချုပ်သက်တမ်းတိုးရန် အဆင်မပြေသူ ဟာဇက်၊ ရီးယဲလ်တွင်ကစားရန် ဆန္ဒရှိသည်ဟု ဝန်ခံထားသူ ပေါ့ဘာတို့မှာ လတ်တလော သတင်းပိုထွက်နေခြင်းဖြစ်သည်။
