ပရီးမီးယားလိဂ်ကလပ် ခရစ္စတယ်ပဲလေ့စ်အသင်းနဲ့ လာလီဂါကလပ် ဂျီရိုနာအသင်းတို့ဟာ ကစားသမားတွေ အပြန်အလှန်ခေါ်ယူဖို့ စီစဉ်နေကြောင်း သိရပါတယ်။
ခရစ္စတယ်ပဲလေ့စ်အသင်းက ဂျီရိုနာအသင်းရဲ့ စပိန်နောက်ခံလူ အာနော်မာတီနက်ဇ်ကို ခေါ်ယူဖို့ ကြိုးပမ်းနေပြီး ပြောင်းရွှေ့ကြေး ယူရို(၁၀)သန်းဝန်းကျင် ပေးချေရမယ်လို့ သိရပါတယ်။
အာနော်မာတီနက်ဇ်ဟာ ဘာစီလိုနာအသင်းရဲ့ လာမာစီယာအကယ်ဒမီထွက်ကစားသမားဖြစ်ပြီး အသက်(၂၂)နှစ်သာ ရှိပါသေးတယ်။
ဂျီရိုနာအသင်းက တိုက်စစ်ပိုင်းကို အားဖြည့်ဖို့ စီစဉ်နေပြီး ခရစ္စတယ်ပဲလေ့စ်အသင်းရဲ့ ပြင်သစ်တိုက်စစ်မှူး အက်ဒွပ်ကို ပြန်လည်ခေါ်ယူဖို့ ကြိုးပမ်းနေကြောင်း သိရပါတယ်။
ဂျီရိုနာအသင်းဟာ PSG ကစားသမားဟောင်းဖြစ်တဲ့ အက်ဒွပ်(၂၇ နှစ်)ကို ယူရို(၆)သန်းနဲ့ ခေါ်ယူနိုင်ဖို့ နီးစပ်နေပြီလို့ သိရပါတယ်။
နှစ်သင်းစလုံးရဲ့ အပြောင်းအရွှေ့လှုပ်ရှားမှုတွေက နောက်ဆုံးအဆင့်ကို ရောက်ရှိနေပြီလို့လည်း သိရပါတယ်။
ခရစ္စတယ်ပဲလေ့စ်နဲ့ ဂျီရိုနာအသင်းတို့ ကစားသမားတွေ အပြန်အလှန်ခေါ်ယူဖို့ စီစဉ်နေ
Related Articles
