မနှစ်တုန်းက မန်စီးတီးဟာ ဟာလန်း (၂၇) ဂိုး၊ ဖိုဒန် (၁၇) ဂိုး၊ အယ်လ်ဗာရက်ဇ် (၁၁) ဂိုးနဲ့ ထိပ်တန်းဂိုးသွင်းရှင် (၃) ဦးက စုစုပေါင်း (၅၇) ဂိုး သွင်းခဲ့တယ်။ အာဆင်နယ်ကတော့ ဆာကာ (၁၆) ဂိုး၊ ဟာဗက်ဇ် (၁၃) ဂိုး၊ ထရိုဆက်ဒ် (၁၂) ဂိုးနဲ့ (၃) ဦးပေါင်း (၄၁) ဂိုး သွင်းခဲ့တယ်။ အမှတ်ပေးဇယားထိပ်ဆုံးမှာ ရပ်တည်ခဲ့တဲ့အသင်းနှစ်သင်းရဲ့ တိုက်စစ်ပိုင်းချင်း နှိုင်းယှဉ်ချက်ဟာ (၁၆) ဂိုးအထိ ကွာဟနေတဲ့ ပမာဏပါ။ ဒါကြောင့် ဂိုးတွေတဒိုင်းဒိုင်းသွင်းနိုင်တဲ့ ထိပ်တန်းဂိုးသွင်းရှင်တစ်ဦး အာဆင်နယ်အသင်း လိုအပ်နေတယ်လို့ ယူဆကြတယ်။ အာဆင်နယ်ရဲ့ လူခေါ်ယူမှုတွေက ဘာဖြစ်လို့ တိုက်စစ်မှူး (သို့မဟုတ်) တိုက်စစ်ကစားသမားကို အာရုံမရှိတာလဲ ဆိုတဲ့ မေးခွန်းတွေ ရှိလာကြတယ်။