မန်ယူအသင်းသည် ပေါ်တူဂီကလပ် စပို့တင်းလစ္စဘွန်းအသင်း၏ ကစားသမားများဖြစ်သည့် အူစမိန်ဒိုင်အိုမန်ဒီနှင့် ဂျီယိုဗန်နီကွမ်ဒါတို့အား ခေါ်ယူရန် စိတ်ဝင်စားလျက်ရှိကြောင်း သိရှိရသည်။
စပို့တင်းလစ္စဘွန်းအသင်း၏ နည်းပြဟောင်းဖြစ်သည့် ရူဘင်အာမိုရင်မ်အား မန်ယူနိုက်တက်အသင်း နည်းပြအဖြစ် ခန့်အပ်ခဲ့ပြီးနောက် အ သင်းဟောင်းတွင် ၎င်းနှင့် လက်တွဲခဲ့ဖူးသည့် လူငယ်ကြယ်ပွင့်နှစ်ဦးအား မန်ယူနိုက်တက်အသင်းက ခေါ်ယူလိုနေခြင်းလည်းဖြစ်သည်။
ဒိုင်အိုမန်ဒီသည် အသက် (၂၀) နှစ်အရွယ်သာ ရှိသေးပြီး ကွင်းလယ်ခံစစ်နှင့် နောက်ခံအတွင်းလူနေရာများတွင် ကစားနိုင်သူဖြစ်ကာ၊ ကွမ်ဒါမှာလည်း အသက် (၁၇) နှစ်အရွယ်သာရှိသေးပြီး ပေါ်တူဂီနိုင်ငံ၏ အထွန်းတောက်ဆုံး တောင်ပံကစားသမားတစ်ဦးအဖြစ် သတ် မှတ်ခံထားရသူဖြစ်သည်။
ကွမ်ဒါသည် မန်ယူနိုက်တက်အသင်းနှင့် ဆက်ဆံရေးကောင်းများ ရှိသည့် ပေါ်တူဂီထိပ်တန်းအေးဂျင့်တစ်ဦးဖြစ်သူ ဂျော့ချ်မန်ဒက်စ်နှင့် လက်တွဲထားသည့် ကစားသမားတစ်ဦးလည်းဖြစ်သည်။
