နယ်သာလန်ကွင်းလယ်ကစားသမားဟောင်း ဗန်ဒါဗတ်က ဘာစီလိုနာကွင်းလယ်ကစားသမား ဖရန်ကီဒီယွန်းအား အသင်းပြောင်းကစားရန် တိုက်တွန်းခဲ့သည်။

အသက် (၂၇)နှစ်အရွယ်ရှိ ဖရန်ကီဒီယွန်းသည် ဘာစီလိုနာအသင်းတွင် ဒဏ်ရာပြဿနာများနှင့် မကြာခဏကြုံတွေ့နေရသူ ဖြစ်သည်။

ဖရန်ကီဒီယွန်းသည် ဘာစီလိုနာအသင်းအတွက် (၆) ရာသီအတွင်း ပြိုင်ပွဲစုံ ပွဲ (၂၂၀) ကစားထားသော်လည်း နောက်ပိုင်းနှစ်များတွင် ဒဏ်ရာပြဿနာများနှင့် ရုန်းကန်နေရသူဖြစ်သည်။

ယခုအခါ ဗန်ဒါဗတ်က ''ဟန်ဂေရီနဲ့ပွဲမှာ ဒီယွန်း ကစားတာ အရမ်းကောင်းပါတယ်။ သူ့အနေနဲ့ အခုထက်ပိုကောင်းအောင် ကစားနိုင်မယ်လို့ ယုံကြည်ပါတယ်။ အခုအချိန်မှာ ဒီယွန်းလိုနေတာက ကြံ့ခိုင်မှုအပြည့်နဲ့ ကစားနိုင်ဖို့ပါပဲ။ သူဟာ ခြေ ချင်းဝတ်ထိထားပြီး ဒါကို ဂရုစိုက်ဖို့ လိုပါတယ်။ ဘာစီလိုနာက အဲဒါကို ဂရုမစိုက်ပေးနိုင်ပါဘူး။ ဒီယွန်းအနေနဲ့ ကစားသမားဘဝရှေ့ဆက်ချင်တယ်ဆိုရင် အေဂျက်စ်ကို ပြောင်းရွှေ့ကစားသင့်ပါတယ်''ဟု ပြောကြားခဲ့သည်။