ကိုမို - ပါးမား (မြန်မာစံတော်ချိန် အောက်တိုဘာလ ၁၉ ရက် ည ၇:၃၀ နာရီ)
တန်းတက် (၂)သင်းထိပ်တိုက်တွေ့ဆုံတဲ့ပွဲဖြစ်ပြီး ပြီးခဲ့တဲ့ရာသီ စီးရီးဘီတွေ့ဆုံမှုမှာတော့ ပါးမားက (၁)ပွဲနိုင်၊ (၁)ပွဲသရေ ကစားခဲ့တယ်။ ဒါပေမဲ့ အခုတွေ့ဆုံမှုမှာ အိမ်ကွင်းအားသာချက်ရှိတဲ့ ကိုမိုကို ကြိုက်တယ်။
ဂျီနိုအာ - ဘိုလော့ဂ်နာ (မြန်မာစံတော်ချိန် အောက်တိုဘာလ ၁၉ ရက် ည ၇:၃၀ နာရီ)
ဂျီနိုအာက စီးရီးအေနောက်ဆုံး (၅)ပွဲဆက် နိုင်ပွဲပျောက်ထားပြီး အဲဒီ(၅)ပွဲမှာ (၂)ဂိုးပဲသွင်းနိုင်ခဲ့တယ်။ ဘိုလော့ဂ်နာကလည်း ဗီလာနဲ့ အရေးကြီးအဝေးကွင်းချန်ပီယံလိဂ်ပွဲရှိလို့ အဓိကကစားသမားတွေကို အနားပေးနိုင်တယ်။ ဂျီနိုအာကို ကြိုက်တယ်။
အေစီမီလန် - အူဒီးနီးစ် (မြန်မာစံတော်ချိန် အောက်တိုဘာလ ၁၉ ရက် ည ၁၀:၃၀ နာရီ)
အေစီမီလန်က စီးရီးအေ (၃)ပွဲဆက်အနိုင်ရပြီးမှ နောက်ဆုံးပွဲမှာ ဖီအိုရင်တီးနားကို ရှုံးခဲ့တယ်။ နည်းပြ ဖွန်ဆီကာရဲ့ အေစီမီလန်က ကစားပုံမဆိုးပေမဲ့ ရလဒ်ပိုင်းကတော့ တည်ငြိမ်ဖို့လိုအပ်နေသေးတယ်။ အူဒီးနီးစ်ကတော့ ရိုးမား၊ အင်တာမီလန်တို့ကို ရှုံးခဲ့ပေမဲ့ အနိုင်ရသင့်တဲ့ပွဲတိုင်း အနိုင်ကစားထားတယ်။ ဒါပေမဲ့ အိမ်ကွင်းမှာ နိုင်ပွဲပြန်ရှာဖို့ ကြိုးစားမယ့် အေစီမီလန်ကို ဟန့်တားဖို့တော့ မလွယ်ပါဘူး။ အေစီမီလန် နိုင်ပွဲပြန်ရမယ်။
ဂျူဗင်တပ်စ် - လာဇီယို (မြန်မာစံတော်ချိန် အောက်တိုဘာလ ၂၀ ရက် နံနက် ၁:၁၅ နာရီ)
နည်းပြ မော့တာရဲ့ ဂျူဗင်တပ်စ်က စီးရီးအေမှာ သရေပွဲတွေ များနေတယ်။ ဗလာဟိုဗစ်ကိုပဲ အားကိုးနေရတဲ့တိုက်စစ်က နောက်ဆုံး (၂)ပွဲဆက် ဂိုးပေါက်ပြန်တွေ့ခဲ့ပေမဲ့ (၄)မှတ်ပဲ ရခဲ့တယ်။ အမှတ်လေလွင့်ခဲ့တယ်။ လာဇီယိုက ချန်ပီယံလိဂ်ဝင်ခွင့်ပစ်မှတ်ထားနေတဲ့ အသင်းဖြစ်ပြီး ဂန်ဒူဇီ၊ ဇက်ကာဂ်နီတို့က အတော်လေးအားကိုးရပါတယ်။ ဒါပေမဲ့ ၂၀၂၀ ခုနှစ် နောက်ပိုင်း ဂျူဗင်တပ်စ်ကွင်းတွေ့ဆုံမှုတွေကို ကြည့်ရင်တော့ လာဇီယိုအသင်း နိုင်ပွဲတစ်ပွဲမှ မရခဲ့ပါဘူး။ ဂျူဗင်တပ်စ်ပဲ ကပ်နိုင်သွားမယ်ထင်တယ်။
