‘ကျွန်တော်တို့ အိမ်ထောင်စု တစ်သိန်းရှစ်သောင်းလောက်အထိ လောက်ငှအောင် ပြင်ဆင်ထားပါတယ်’

Door to Door  စနစ်ဖြင့် စားအုန်းဆီဖြန့်ဖြူးနေမှုနှင့်ပတ်သက်ပြီး မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း ဒုတိယဥက္ကဋ္ဌနှင့် တွေ့ဆုံခြင်း

မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းက ကြီးမှူးပြီး ရန်ကုန်တိုင်းဒေသကြီးအတွင်းရှိ မြို့နယ် ၄၄ ခုတွင် စားအုန်းဆီများကို Door to Door  စနစ်ဖြင့် အိမ်တိုင်ရာရောက် လိုက်လံပို့ဆောင် ရောင်းချပေးလျက်ရှိသည်။ ဇူလိုင်လကုန်ပိုင်းက စတင်ခဲ့သည့် ယင်းစနစ်မှာ လက်ရှိတွင် တစ်ရက်လျှင် ဖုန်းအဝင် ခုနစ်ထောင်နီးပါး ဝင်ရောက်လျက်ရှိပြီး တစ်လလျှင် အိမ်ထောင်စု တစ်သိန်းကျော်အထိ ပို့ဆောင်ဖြန့်ဖြူးပေးနိုင်ရန် စီစဉ်နေသည်။ ဖုန်းဆက်မှာယူသူ များပြားလာသဖြင့် ဖုန်းလိုင်းခွဲများကို ထပ်မံတိုးချဲ့ခဲ့ရပြီး အမှာစာများကိုလည်း ပို့ဆောင်ပေးနိုင်ရန် ပစ္စည်းပို့သည့် ကုမ္ပဏီများကို တိုးချဲ့ခဲ့ရသည်။ အခြားတစ်ဖက်တွင်လည်း ယခင်က တစ်အိမ်ထောင်လျှင် တစ်လစာအတွက် စားအုန်းဆီ သုံးပိဿာ ပို့ဆောင်ခဲ့သော် လည်း စက်တင်ဘာ ၂၃ ရက်မှစတင်ကာ နှစ်ပိဿာ ၇၅ ကျပ်သားဘူးဖြင့် ပို့ဆောင်ပေးလျက်ရှိသည်။

 ယင်းအခြေအနေများနှင့် ပတ်သက်ပြီး မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းမှ ဒုတိယဥက္ကဋ္ဌ ဦးပိုင်ဖြိုးသန့်နှင့် တွေ့ဆုံမေး မြန်းခဲ့ပါသည်။

မေး - Door to Door  စနစ်နဲ့ စားအုန်းဆီ တွေကို စတင်ဖြန့်ဖြူးခဲ့ရတဲ့အကြောင်း ရှင်းပြ ပေးပါခင်ဗျာ။

ဖြေ - ကျွန်တော်တို့ သြဂုတ်လကစတင် ဆောင်ရွက်ခဲ့ပါတယ်။ သြဂုတ်လကတော့ စတင်စမ်းသပ်တဲ့ ကာလဖြစ်တော့ အိမ် ထောင်စု တစ်သောင်းရှစ်ထောင်ခန့်ကို အမှာ စာလက်ခံရရှိပြီးတော့ အဲဒီအရေအတွက်ကို ဖြန့်ဖြူးပေးနိုင်ခဲ့ပါတယ်။ ပြီးခဲ့တဲ့စက်တင်ဘာ လမှာတော့ တိုးချဲ့လက်ခံပြီးတော့ ပထမလျာ ထားချက် အိမ်ထောင်စုတစ်သိန်းနဲ့ တစ်သိန်း နှစ်သောင်းကြားကို အမှာစာလက်ခံပြီးတော့ ဖြန့်ဖြူးဖို့အတွက်ကို လျာထားခဲ့တယ်။ အဲဒီ အတွက်လည်း အမှာစာလက်ခံနိုင်ဖို့ ပြင်ဆင် တိုးချဲ့ခဲ့တယ်။ အဲဒီအတွက် အမှာစာ တစ် သိန်း ငါးသောင်း ငါးထောင်လောက်ကိုရရှိခဲ့ တယ်။ ပို့နိုင်တဲ့အခြေအနေကတော့ စက်တင် ဘာလထဲမှာကို စုစုပေါင်း တစ်သိန်းနှစ် သောင်းနှစ်ထောင်အထိကို ပို့ဆောင်ပြီးဖြစ်ပါ တယ်။ ကျန်နေတဲ့ အမှာစာသုံးသောင်းကျော် ကိုလည်း ကျွန်တော်တို့ ပို့ဆောင်သွားမှာဖြစ် ပါတယ်။

မေး -  အောက်တိုဘာလထဲမှာ ရောင်းချတဲ့ ပုံစံ ပြောင်းလာတာတွေ့ရတယ်။ သုံးပိဿာကနေ နှစ်ပိဿာ ၇၅ ကျပ်သားဖြစ်သွားတာပေါ့။ အဲဒါ လေးလည်း ရှင်းပြပေးပါဦး။

ဖြေ - အဲဒါက ကျွန်တော်တို့ စမ်းသပ်တဲ့ သြဂုတ်လအတွင်းမှာ ကျွန်တော်တို့ တစ်အိမ် ထောင်ကို တစ်လလျှင် တစ်ကြိမ် နှစ်ပိဿာ နှုန်းနဲ့ စတင်ဖြန့်ဖြူးတယ်။ ဒါပေမဲ့ စားသုံးသူ တွေရဲ့ လိုအပ်ချက်နဲ့တောင်းဆိုချက်တွေအရ ကျွန်တော်တို့က ပိုဖြန့်ဖြူးပေးနိုင်ဖို့ စက်တင် ဘာလထဲမှာ တစ်အိမ်ထောင်ကိုတစ်ကြိမ်နှုန်း နဲ့ သုံးပိဿာ တိုးချဲ့ဖြန့်ဖြူးပေးတယ်။ ဒါပေ မဲ့ စက်တင်ဘာ ၂၃ ရက် နောက်ပိုင်းကစပြီး တော့ ကျွန်တော်တို့ ထုပ်ပိုးမှုအဆင်ပြေ အောင်၊ စားသုံးသူများလည်း သယ်ယူပို့ ဆောင်ပေးတဲ့နေရာမှာ ငါးလီတာဘူးတွေနဲ့ ၂ ပိဿာ ၇၅ ကျပ်သားနဲ့ ဖြန့်ဖြူးပေးလိုက် တယ်။ အောက်တိုဘာလထဲမှာတော့ အိမ် ထောင်စု တစ်သိန်းငါးသောင်းကနေ တစ် သိန်းရှစ်သောင်းလောက်အထိ တိုးချဲ့လက်ခံ ပြီးတော့ ဖြန့်ဖြူးပေးသွားဖို့ကို စီစဉ်လျက်ရှိပါ တယ်။ ဒီကြားထဲမှာလည်း ကျွန်တော်တို့ လုပ် ငန်းကြီးကြပ်ရေး ကော်မတီကနေပြီးတော့ ပေါ့နော်။ အဲဒီကနေ အသေးစိတ်စောင့်ကြည့် ပြီးတော့  လုပ်ငန်းလိုအပ်ချက်ကိုလည်း ပြည့် မီအောင် စီစဉ်ဆောင်ရွက်လျက်ရှိပါတယ်။ ကျွန်တော်တို့ စတင်ဆောင်ရွက်ခဲ့တဲ့အခြေ အနေမှာ call center  တစ်ခု၊ deli တစ်ခုနဲ့ ဆောင်ရွက်ခဲ့ပေမဲ့ စက်တင်ဘာလကစပြီး call center လေးခု၊ deli လေးခုနဲ့ ကျွန် တော်တို့ ဆောင်ရွက်ခဲ့တယ်။ အခုလမှာဆိုရင် call center နှစ်ခု၊ deli ကို နောက်ထပ် နှစ်ခု တိုးချဲ့ပြီးတော့ deli ခြောက်ခုနဲ့ တိုးချဲ့ ဖြန့်ဝေသွားမှာဖြစ်ပါတယ်။

မေး - အခုဆို Door to Door   စနစ်နဲ့ စတင် ရောင်းချမှုမှာ ဝယ်လိုအားမြင့်တက်လာတာ တွေ့ရတယ်။ အဲဒီအပေါ်မှာရော ဘယ်လိုတွေ ဆောင်ရွက်ထားလဲခင်ဗျ။

မေး  -  အခုဆိုရင် call center  ကနေ လက် ခံနိုင်တဲ့ပမာဏကို မကန့်သတ်ထားပါဘူး။  ကျွန်တော်တို့ တစ်ရက်ကို ၆၆၀၀ ကနေ ၇၂၀၀ ကြားလောက်ပေါ့။ call ရရှိတဲ့အပေါ် မူတည်ပြီးတော့ တနင်္ဂနွေနဲ့ အစိုးရရုံးပိတ်ရက် မပါ ကောက်ယူလျက်ရှိတယ်။ ဒီလမှာတော့ သီတင်းကျွတ်ကျောင်းပိတ်ရက်လည်းရှိတဲ့ အတွက်ကြောင့်မို့လို့ တစ်ရက်ချင်းစီအလိုက် အမှာစာတွေက တိုးလာတယ်။ စားသုံးသူက လည်း အမှာစာတွေမှာတဲ့အပေါ်မှာလည်း မှာတက်လာတယ်။ call center ကလည်း လက်ခံတဲ့အပိုင်းမှာ အမှာစာတစ်ခုရဲ့ကြာချိန် ကလည်း အရင်က သုံးမိနစ်ခွဲ လေးမိနစ်ကနေ အခုဆို နှစ်မိနစ်ခွဲ သုံးမိနစ်ပဲကြာတော့တယ်။ ဒီအတွက်လည်း အမှာစာက တစ်ရက်ကို ၇၀၀၀ လောက်နဲ့တွက်မယ်ဆိုရင် အမှာစာ တစ်သိန်းခြောက်သောင်းနဲ့ တစ်သိန်းခုနစ် သောင်းလောက်ခန့်မှန်းထားတယ်။ အမှာစာ ကိုလည်း ခရိုင်အလိုက် ပို့တဲ့အပေါ်မှာလည်း ပိုမိုလွယ်ကူဖို့အတွက် deli  ကို တိုးချဲ့ထား တယ်။ လာမယ့်အချိန်မှာလည်း ငါးရက်တစ် ပတ်အတွင်းမှာပဲ ပို့နိုင်ဖို့လုပ်သွားမယ်။ အမှာ စာကတော့ တစ်ရက်ထက်တစ်ရက် လျော့ နည်းသွားတာမရှိပါဘူး။ တစ်ရက်ကို ခေါ်ဆို မှုအဝင်က တစ်သောင်းကျော်လောက်အထိ ရှိနေတယ်။ အဲဒီအတွက် ဖုန်းဆက်ရတဲ့အပိုင်း မှာ နည်းနည်းကြိုးစားပြီးတော့ ဖုန်းဆက်ပါ။ ပို့တဲ့အပိုင်းကလည်း အော်ဒါမှန်သမျှ အမှာ စာမှန်သမျှကို ပြီးပြတ်အောင်ပို့ပေးပါ့မယ်။ အဲဒီအတွက်ကိုလည်း မမျှော်လင့်ဘဲကြာခဲ့ရင် လည်း ငါးရက်တစ်ပတ် ကျော်ခဲ့ရင်ခဏစောင့် ပြီး သည်းခံပေးပါ။ အမှာစာတွေကိုလည်း ဆက်လက်မှာကြားနိုင်အောင် ကြိုးစား ဆောင်ရွက်လျက်ရှိပါတယ်။

မေး - ဒီဟာကို နောက်ထပ်တိုးချဲ့ဖို့ အစီအစဉ် ရှိရင်လည်း ပြောပြပေးပါဦး။

ဖြေ - ကျွန်တော်တို့ ရပ်ကွက်မှာရောင်းနေ တဲ့အစီအစဉ်တွေလည်းရှိတယ်။ ဒါကတော့ သီးခြားပေါ့နော်။ အချိန်ပေးဖို့ခက်ခဲသူတွေ၊  ရုံးဝန်ထမ်းတွေ၊ ဝန်ထမ်းမိသားစုတွေအတွက် ပိုပြီးတော့ အဆင်ပြေအောင် လွယ်ကူအောင် စီစဉ်ပေးထားတာပါ။ အခုလည်း တိုးချဲ့ပြီး တော့ ဆောင်ရွက်မယ့် အခြေအနေဆိုရင် အမှာစာ တစ်သိန်းရှစ်သောင်းဆိုရင် ကျွန် တော်တို့ အိမ်ထောင်စု တစ်သိန်းရှစ်သောင်း ပေါ့ လူဦးရေဆိုရင် ရှစ်သိန်းကိုးသိန်းအထိ  ပျံ့နှံ့မယ်လို့ ခန့်မှန်းတွက်ချက်ပြီး စီစဉ်ထား တယ်။ အဲဒီအတွက်လည်း စားသုံးသူတွေအ တွက် လိုအပ်ချက်ပမာဏတစ်ခုကို ပြည့်မီ အောင် ဖြည့်ဆည်းဆောင်ရွက်နိုင်မယ်လို့ လည်း မျှော်လင့်ထားတယ်။ ပြီးတော့ပုံမှန် ဖြန့်ဖြူးပေးနေတဲ့လမ်းကြောင်းတွေဖြစ်တဲ့ ရပ်ကွက်တွေမှာ လမ်းတွေမှာရောင်းချနေတဲ့ ဟာကလည်း ရပ်မသွားပါဘူး။ ဆက်သွားနေ မှာပါ။ အဲဒါတွေလည်း ဆက်သွားနေမှာပါ။

မေး - ရန်ကုန်မြို့ရဲ့ လူနေမှုပုံစံအရဆိုရင် တချို့ နေရာတွေကျတော့ အဆောင်တွေမှာ နေတဲ့သူ တွေလည်းရှိတယ်။ ဖုန်းဆက်မှာယူရင် ရပ်ကွက် လိပ်စာတစ်ခုတည်းက နှစ်ခုဖြစ်နေမယ်ဆိုရင် လည်း ဘယ်လိုစီစဉ်ထားပါသလဲ။

ဖြေ - စက်တင်ဘာမှာ အော်ဒါတွေ၊ အမှာ စာတွေ လက်ခံတဲ့အခါမှာ တချို့အပိုင်းတွေ မှာဆိုရင်လိပ်စာတူနေတာတွေ တွေ့ရတယ်။ အဲဒါကျရင် ကြီးကြပ်ရေးကနေ လုပ်ငန်းအဖွဲ့ တွေကနေပြီးတော့ တချို့အမှာစာတွေဆိုရင် ထပ်ခါထပ်ခါမှာနေတယ်ဆိုရင် စာရင်းတွေ ကို စိစစ်လိုက်တယ်။ စိစစ်ပြီးတော့မြေပြင်မှာ အလုပ်အမှုဆောင်တွေ စားသုံးသူရေးရာဦး စီးဌာနကသူတွေနဲ့ မြေပြင်ကို ကွင်းဆင်းလေ့ လာပါတယ်။ ဒီအပိုင်းတွေကို သေချာစစ် တယ်။ တချို့ကျတော့ လိပ်စာတစ်ခုတည်း ပေါ့။ ဒီအပေါ်မှာ စုနေတဲ့အိမ်ဝိုင်းတွေရှိပါ တယ်။ အထဲမှာတော့ အိမ်က လေးငါးဆယ် လုံးဖြစ်နေတယ်။ တချို့ကျတော့လည်း ခြံကြီး တစ်ခြံပေါ့နော်။ ခြံတစ်ခြံတည်းမှာပဲ အိမ် ထောင်စုတွေ စုပြီးနေကြတာတွေလည်း တွေ့ ရတယ်။ တချို့လိပ်စာတွေကျတော့လည်း အဆောင်လေးတွေ ဖြစ်နေတာလည်း တွေ့ရ တယ်။ အဲဒါတွေကျတော့ လိပ်စာနံပါတ်တွေ က တူနေတာပေါ့။ အဲဒါဆို သေချာစိစစ်ပြီး တော့ စားသုံးသူဆီကို ပျံ့ပျံ့နှံ့နှံ့ ရောက်အောင် ပို့နေတယ်။ ဒီလိုစိစစ်ရင်တော့ တချို့အပိုင်း တွေမှာ ကြန့်ကြာမှုတွေရှိလာတတ်တယ်။ ဒါ လေးကိုတော့ နားလည်ပေးပါ။ အခုနောက် ပိုင်းတော့ စားသုံးသူတွေကလည်း အမှာစာ တွေကို မှာတတ်လာတယ်။ ဒီလိုမျိုးအိမ်တွေ ဆိုရင် သူတို့ကလည်း ကျွန်မတို့က အဆောင် ပါ။ ကျွန်မတို့ကလည်း အိမ်ဝိုင်းတွေပါဆိုပြီး call center ကိုတစ်ခါတည်း ထည့်ပြောကြ တာကို တွေ့ရတယ်။ ရှေ့လျှောက်လည်း ကျွန် တော်တို့ဘက်ကလည်း သေချာလေးစိစစ်ပြီး တော့ လုပ်သွားပါမယ်။

မေး - စျေးနှုန်းအနေနဲ့ကရော ဘယ်လိုသတ် မှတ်ထားလဲ။

ဖြေ - စျေးနှုန်းကတော့ အပတ်စဉ်ထုတ်ပြန် နေတဲ့ ရည်ညွှန်းစျေးရှိပါတယ်။ အဲဒီအပေါ် မှာ ကျွန်တော်တို့က အကျိုးအမြတ်ထည့်သွင်း ထားခြင်းမရှိဘူး။ ကုန်ကျစရိတ်ကိုပေါင်းပြီး တော့မှ ဆီဖိုးကို သတ်သတ်၊ deli ခ သတ်သတ်။ deli ခဆိုရင် လက်ရှိမှာတော့ ရန်ကုန် တိုင်း စည်ပင်နယ်နိမိတ် ၃၃ မြို့နယ်ထဲမှာ ဆိုရင် ၂၅၀၀ ထက်မပိုတဲ့နှုန်းနဲ့ စည်ပင်နယ် နိမိတ် ပြင်ပ ၁၁ မြို့နယ်ဆိုရင် သုံးထောင် ထက် မပိုတဲ့နှုန်းထားနဲ့ ကောက်ခံနေပါတယ်။

မေး -  မှာတဲ့အရေအတွက်ကလည်း တိုးလာ တယ်ဆိုတော့ စားသုံးသူတွေအတွက် ဖြည့် ဆည်းပေးနိုင်မလား။

ဖြေ -  စားသုံးသူကလည်း ဖုန်းဆက်လို့မရ တော့ ထပ်ခါထပ်ခါခေါ်တော့ call  တွေက ထပ်လာတယ်။ တကယ်တမ်း စားသုံးသူတစ် ယောက်က ၁၀ ခါခေါ်နေရင် အဝင်စာရင်းက တော့ ပေါ်နေမယ်။ အဝင်စာရင်း သုံးသောင်း ဆိုရင် လူကတော့ အဲဒီလောက်မရှိဘူးပေါ့။ အခုဆို တစ်ရက်ကို လက်ခံနိုင်တဲ့ပမာဏက ၇၀၀၀ ကျော်လောက်ရှိနေတဲ့အတွက် ဆက် တဲ့အခါမှာ ပိုပိုအဆင်ပြေလာတယ်။ အော်ဒါ လက်ခံမှုဆိုရင် တစ်ရက်ကို ခုနစ်ထောင်ဝန်း ကျင်ရှိတယ်လို့ ပြောလို့ရတာပေါ့။ အခုထိဆို ကျွန်တော်တို့ အိမ်ထောင်စု တစ်သိန်းရှစ် သောင်းလောက်အထိ လောက်ငှအောင် ပြင် ဆင်ထားပါတယ်။

မေး - ဖြည့်စွက်ပြောချင်တာများရှိရင် ပြော ကြားပေးပါဦး။

ဖြေ - ကျွန်တော်တို့အနေနဲ့ကလည်း အခု လို ဆောင်ရွက်ခွင့်ရတဲ့အတွက်လည်း ကျေး ဇူးတင်တယ်။ တကယ်ကိုလည်း စားသုံးသူ ဘက်ကနေပြီးတော့ ပိုမိုလွယ်ကူစွာနဲ့ အဆင် ပြေအောင် မှာကြားတဲ့နေရာမှာလည်းအခက် အခဲတွေ ရှိမယ်ဆိုရင်လည်း call  စင်တာက နေပြီးတော့ ပြောလို့လည်း ရပါတယ်။ ကျွန် တော်တို့အနေနဲ့လည်း complain တွေကို သီးခြားမှတ်တမ်းထားရှိပြီးတော့ တစ်ခုချင်းစီ ကို ဖြစ်ခဲ့တဲ့အပေါ်မှာလည်း လုပ်ငန်းစဉ်ရဲ့ အားသာချက် အားနည်းချက်ကို အစဉ်သုံး သပ်ပြီးတော့ ပိုမိုအဆင်ပြေအောင် ဆောင် ရွက်နေတယ်။