Captain ကို အာဆင်နယ်ပရိသတ်တွေ လွမ်းနေမိတယ်။ Captain အော်ဒီဂွါရဲ့ လှပသေသပ်တဲ့ ပေးပို့မှုတွေမရှိတဲ့အခါ အာဆင်နယ်တိုက်စစ်က ဟာတာတာဖြစ်နေခဲ့တယ်။ ခြေချင်းဝတ်ဒဏ်ရာဟာ အော်ဒီဂွါကိုအာဆင်နယ်ရဲ့အဝေးတွန်းပို့ခဲ့တာပါ။ ဘယ်အချိန်ပြန်လာမလဲဆိုတာ မသိနိုင်သေးဘူး။ အာဆင်နယ်ပရိသတ်တွေရဲ့ဆုတောင်းမေတ္တာတွေကြား အော်ဒီဂွါဟာ ဒဏ်ရာရှိပေမယ့် ကြည်သာချမ်းမြေ့နေမှာပါ။ အာဆင်နယ်ပရိသတ်တွေရဲ့တစ်ခဲနက်အားပေးသံကို အော်ဒီဂွါ လွမ်းနေပါပြီ။ ဒီလိုနဲ့ပဲ အာဆင်နယ်ပရိသတ်တွေဆီ အလွမ်းစကားတွေ အော်ဒီဂွါ ပို့သခဲ့ပါတယ်။ သူအမြန်ဆုံး ပြန်လာမယ်ဆိုပြီး အသိပေးလိုက်ပါတယ်။