၂၀၂၃ ခုနှစ် ဩဂုတ်လဆန်းပိုင်းမှာ စပိန်ဘီလူးကြီး နှစ်သင်းဖြစ်တဲ့ ရီးယဲလ်မက်ဒရစ်နဲ့ ဘာစီလိုနာတို့ ခြေစမ်းပွဲ ကစားတယ်။ ဘာစီလိုနာက (၃-ဝ) ဂိုးနဲ့ အနိုင်ရခဲ့ပြီး ဒီပွဲမှာ ဘာစီလိုနာအသင်းရဲ့ပြင်သစ်တောင်ပံကစားသမား ဒမ်ဘီလီလည်း ခြေစွမ်းပြ ကစားနိုင်ခဲ့တယ်။ ဘာစီလိုနာအသင်းရဲ့ ကစားသမားတွေက ဒမ်ဘီလီနဲ့အတူ အောင်ပွဲခံခဲ့ပြီး အသင်းနည်းပြ ဇာဗီကလည်း ပွဲအပြီးမှာ ဒမ်ဘီလီရဲ့ခြေစွမ်းကို ချီးကျူးခဲ့တယ်။ ကွင်းအတွင်းမှာ အားလုံးက လှပနေပေမဲ့ ကွင်းပြင်မှာတော့ မုန်တိုင်းက ထန်နေတယ်။ အဲဒီနေ့ရဲ့အစောပိုင်းမှာပဲ PSG အသင်းက ဘာစီလိုနာအသင်းကို ဒမ်ဘီလီရဲ့အပြောင်းအရွှေ့နဲ့ ပတ်သက်လို့ စတင်ဆက်သွယ်လာခဲ့တယ်။