ပြင်သစ်လက်ရွေးစင်အသင်းနည်းပြ ဒေးရွှမ့်စ်က ကစားသမားဘဝမှာ ၁၉၉၈ ကမ္ဘာ့ဖလားနဲ့ ယူရို ၂၀၀၀ ချန်ပီယံဆုတွေ ရယူခဲ့သူဖြစ်ပြီး နည်းပြဘဝမှာလည်း ယူရို ၂၀၁၆ ဗိုလ်လုပွဲနဲ့ ၂၀၂၂ ကမ္ဘာ့ဖလား ဗိုလ်လုပွဲတွေ တက်ရောက်နိုင်ခဲ့ပြီး ၂၀၁၈ မှာတော့ ကမ္ဘာ့ချန်ပီယံ ဖြစ်ခဲ့ပါတယ်။ ဒေးရွှမ့်စ်က လက်ရွေးစင်အသင်းနည်းပြဘ၀ (၁၂)နှစ်အတွက် ပြင်သစ်အသင်းကို စဉ်ဆက်မပြတ် အင်အားကြီးအသင်းအဖြစ် တည်ဆောက်ထားတာကို တွေ့ရပါတယ်။ လက်ရှိ ယူရို ၂၀၂၄ ပြိုင်ပွဲနဲ့ ပတ်သက်ပြီး ဒေးရွှမ့်စ်ရဲ့အမြင်တွေကို စူးစမ်းထားပါတယ်။