အခု ရက်သတ္တပတ်မှာတော့ နိုင်ငံတကာခြေစမ်းပွဲတွေကို ယှဉ်ပြိုင်ကစားသွားကြမှာဖြစ်ပြီး ယူရို-၂၀၂၄ မတိုင်မီ ဥရောပအသင်းတွေရဲ့ ပြင်ဆင်မှုတွေကို စောင့်ကြည့်ရမှာလည်း ဖြစ်ပါတယ်။ အထူးသဖြင့် ထိပ်သီးအသင်းတွေဖြစ်တဲ့ အင်္ဂလန်၊ ပြင်သစ်၊ ပေါ်တူဂီ၊ အီတလီ၊ စပိန်၊ ဂျာမနီ၊ နယ်သာလန်နဲ့ ဘယ်လ်ဂျီယံတို့လိုအသင်းတွေရဲ့ ပြိုင်ပွဲမတိုင်မီ စမ်းသပ်ပြင်ဆင်မှုတွေက စိတ်ဝင်စားစရာကောင်းနေတာလည်း အမှန်ပါပဲ။ အခုဆို ချင်တာကတော့ ဥရောပထိပ်သီးအသင်းတွေထဲမှာ တစ်သင်းအပါအဝင်ဖြစ်တဲ့ စပိန်အသင်းရဲ့ လူငယ်ကြယ်ပွင့်တစ်ယောက်အကြောင်းပါပဲ။ သူ့နာမည်က ကူဘာဆီ ဖြစ်ပြီး လာမယ့်‌ခြေစမ်းပွဲစဉ်တွေအတွက် စပိန်လက်ရွေးစင်အသင်းမှာ ပထမဆုံးရွေးချယ်ခံထားရသူလည်း ဖြစ် ပါတယ်။ အသက်(၁၇)နှစ်အရွယ်သာရှိသေးတဲ့ ကူဘာဆီဟာ ပတ်ဒရီ၊ ဂါဗီ၊ အန်ဆူဖာတီနဲ့ ယမားလ်တို့နောက်ပိုင်း စပိန်လက်ရွေးစင် အသင်းအတွက် ပါဝင်ခွင့်ရတဲ့ လာမာစီယာထွက် ကစားသမားအဖြစ်လည်း မှတ်တမ်းဝင်ခဲ့ပါတယ်။