ဘာမင်ဂမ်အသင်းနည်းပြရာထူးကနေ ဝိန်းရွန်နီ ထုတ်ပယ်ခံခဲ့ရပြီးချိန်မှာ အင်္ဂလန်ရွှေရောင် မျိုးဆက်ရဲ့ နည်းပြဘဝကျဆုံးခန်းအပေါ် ဝေဖန်မှုတွေ မြင့်တက်လာခဲ့တယ်။ ကစားသမားဘဝမှာ လက်ရွေးစင်အသင်းနဲ့ အသိအမှတ်ပြုလောက်စရာ အောင်မြင်မှုတွေမရခဲ့သလို၊ နည်းပြဘ၀ ကူးပြောင်းကြပြန်တော့လည်း ယုံကြည်လက်ခံနိုင်စရာမရှိတဲ့ ရလဒ်တွေနဲ့ အကြိမ်ကြိမ်ထုတ်ပယ်ခံနေရတဲ့ အင်္ဂလန်ရွှေရောင်မျိုးဆက်ကစားသမားတွေရဲ့  စွမ်းဆောင်ရည်က ပရိသတ်အတွက် စိတ်ပျက်စရာဖြစ်စေခဲ့ပြီး ဥရောပဘောလုံးရပ်ဝန်းမှာ အင်္ဂလန်နည်းပြတွေ အနာဂတ်မဲ့နေပြီလားဆိုတဲ့ မေးခွန်းကလည်း ပိုမိုကျယ်လောင်လာခဲ့ပါတယ်။