ပြီးခဲ့တဲ့ရာသီတုန်းက တစ်ရာသီလုံးနီးပါး ပရီးမီးယားလိဂ်အမှတ်ပေးဇယားကို ဦးဆောင်နိုင်ခဲ့ပြီး ပွဲစဉ်(၃၄)ရောက်မှ မန်စီးတီးကို ဖယ်ပေးလိုက်ရတဲ့ အာဆင်နယ်အသင်းဟာ ဒီရာသီပွဲစဉ် (၁၃)အပြီးမှာ ထိပ်ဆုံးနေရာကို တစ်ကျော့ပြန်ရောက်ရှိခဲ့ပါတယ်။ ပြီးခဲ့တဲ့ရာသီကလို မန်စီးတီးအသင်းနဲ့ပဲ အဓိကအားပြိုင်နေရတာဖြစ်ပေမဲ့ ဒီရာသီမှာတော့ လီဗာပူးလ်အသင်းလည်းပါဝင်တဲ့ သုံးပွင့်ဆိုင်စိန်ခေါ်ပွဲဖြစ်လာဖို့ အလားအလာပိုများနေပါတယ်။