ထမင်းမချက်ထားသည်ကို ခင်ပွန်းက ဆူပူပြောဆိုသဖြင့် ဇနီးဖြစ်သူ ဆွဲကြိုးချ သေဆုံးမှု လှည်းကူးမြို့နယ်တွင် ဖြစ်ပွားခဲ့ကြောင်း ဒီဇင်ဘာ ၂၇ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ စုံစမ်းသိရသည်။
ဒီဇင်ဘာ ၂၆ ရက် နံနက် ၃ နာရီကျော်ခန့်တွင် လှည်းကူးမြို့နယ် ဟိုင်းကူးကျေးရွာအုပ်စုတွင် လူတစ်ဦး ဆွဲကြိုးချ သေဆုံးကြောင်း သတင်းရသဖြင့် သက်ဆိုင်ရာ တာဝန်ရှိသူများက သွားရောက်စစ်ဆေးရာ သေဆုံးသူမှာ ယင်းကျေးရွာနေ မ... (၂၁) နှစ်ဖြစ်ကြောင်း သိရသည်။
ဆက်လက်စစ်ဆေးရာ ဒီဇင်ဘာ ၂၅ ရက် ည ၉ နာရီခန့်တွင် မ...(၂၁) ၏ ခင်ပွန်းဖြစ်သူ ကို....(၃၄) နှစ်သည် ၎င်း၏ သူငယ်ချင်းဖြစ်သူ တစ်ဦးနှင့်အတူ အလုပ်မှ နေအိမ်သို့ ပြန်လာစဉ် မ...(၂၁) နှစ်က အိမ်တွင် ထမင်းချက်မထားသည်ကို ကို... (၃၄) နှစ်က အော်ငေါက်ဆူပူခဲ့ကြောင်း သိရသည်။
ထို့နောက် မ...(၂၁) နှစ်က ထမင်းချက်ပေးသဖြင့် ကို... (၃၄) နှစ်နှင့် ၎င်း၏သူငယ်ချင်းဖြစ်သူတို့မှာ ထမင်းစားပြီးနောက် နေအိမ်ဧည့်ခန်းသို့ ပြန်ထွက်လာစဉ် မ ...(၂၁)နှစ်အား အဆိုပါ ဧည့်ခန်းရှိ သစ်သား (ရက်မတန်း)တွင် ဆွဲကြိုးချနေသည်ကို တွေ့ရှိခဲ့ရကြောင်း သိရသည်။
ယင်းသို့တွေ့ရှိသဖြင့် ကို...(၃၄) နှစ်က ကြိုးအားဖြုတ်ကာ ပြုစုပေးသော်လည်း သေဆုံးသွားခဲ့ပြီး အလောင်းအား ဖောင်ကြီးတိုက်နယ်ဆေးရုံသို့ တင်ပို့စစ်ဆေးထားကြောင်း သိရသည်။
အဆိုပါဖြစ်စဉ်အား ဖောင်ကြီးနယ်မြေ ရဲစခန်းက သေမှုသေခင်း အမှတ်စဉ် ၁၀/ ၂၀၁၆ ဖြင့် အမှုဖွင့်ထားကြောင်း သိရသည်။
ထမင်းမချက်ထားသည်ကို ခင်ပွန်းက ဆူပူပြောဆိုသဖြင့် ဇနီးဖြစ်သူ ဆွဲကြိုးချ သေဆုံးမှု လှည်းကူးမြို့နယ်တွင် ဖြစ်ပွား
