ဆွီဒင်ဝါရင့်တိုက်စစ်မှူး အီဘရာဟီမိုဗစ်သည် မန်ယူအသင်းသို့ ပြောင်းရွှေ့ ကစားမည်ဖြစ်ကြောင်း သူ၏ Twitter စာမျက်နှာမှတစ်ဆင့် အတည်ပြုခဲ့သည်။
အသက်(၃၄)နှစ်အရွယ်ရှိ အီဘရာဟီမိုဗစ်သည် PSG အသင်းနှင့် ဇွန်(၃၀)တွင် စာချုပ်သက်တမ်း ကုန်ဆုံးပြီး မန်ယူအသင်းသို့ အလွတ်ပြောင်းရွှေ့ရန် ရွေးချယ်လိုက်ခြင်းဖြစ်သည်။
အီရာဟီမိုဗစ်သည် ဇူလိုင်(၁)ရက်တွင် မန်ယူအသင်း၏ လေ့ကျင့်ရေးကွင်း ကာရင်တန်သို့ လာရောက်ကာ ဆေးစစ်ဆေးမည်ဖြစ်ပြီး အောင်မြင်ပါက တစ်ပတ်လုပ်ခ ပေါင်(၂၀၀၀၀၀)ကျော်ဖြင့် တစ်နှစ်စာချုပ်ချုပ်ဆိုဖွယ်ရှိကြောင်း သိရသည်။
