နာမည်ကျော်ဘောလုံးသုံးသပ်သူ ဂယ်ရီနဗီးလ်က စပါးအသင်းသည် ယခုရာသီတွင် ပရီးမီးယားလိဂ်ချန်ပီယံဆုကို စိန်ခေါ်နိုင်ဦးမည်မဟုတ်ဟု ပြောကြားခဲ့သည်။

စပါးအသင်းသည် ပရီးမီးယားလိဂ်ပွဲစဉ်(၇)အပြီးတွင် ရှုံးပွဲမရှိရလဒ်ဖြင့် အမှတ်ပေးဇယားဒုတိယနေရာ၌ ရပ်တည်နေပြီး ထိပ်ဆုံးမှ မန်စီးတီးအသင်းနှင့် တစ်မှတ်သာကွာဟတော့သည်။

သို့သော် ဂယ်ရီနဗီးလ်က ''သူတို့ ချန်ပီယံဆုကို စိန်ခေါ်နိုင်တဲ့အသင်းတွေထဲမှာ ပါဝင်တယ်လို့ ကျွန်တော် မထင်ပါဘူး။ သူတို့ရဲ့ အရန်ခုံကို ကြည့်လိုက်ရင် ဒါကို သိနိုင်ပါတယ်။ ဒါပေမဲ့ ကျွန်တော် တွေးထင်ထားတာထက် ပိုကောင်းတဲ့ရာသီကိုတော့ သူတို့ ပိုင်ဆိုင်သွားနိုင်ပါတယ်''ဟု ပြောကြားခဲ့သည်။