လာလီဂါကလပ်များဖြစ်သည့် ဆိုစီဒက်နှင့် ဂျီရိုနာအသင်းတို့သည် ဘာစီလိုနာနောက်ခံကစားသမား အဲရစ်ဂါစီယာအား ခေါ်ယူရန် အပြိုင်စိတ်ဝင်စားနေကြကြောင်း သိရှိရသည်။
အသက် (၂၃) နှစ်အရွယ်ရှိ် စပိန်လက်ရွေးစင်နောက်ခံကစားသမား အဲရစ်ဂါစီယာသည် နည်းပြ ဟန်ဆီဖလစ်ခ် လက်ထက်တွင် ပုံမှန်ပွဲကစားခွင့်ရရန် ရုန်းကန်နေရသူဖြစ်သည်။
ယခုအခါ ဘာစီလိုနာအသင်း၏အဓိကနောက်ခံ ကစားသမားဖြစ်သူ အာရူဟိုမှာလည်း ဒဏ်ရာမှပြန်လည်သက်သာလာပြီး နိုဝင်ဘာလ တတိယပတ်တွင် ပြန်ကစားနိုင်ဖွယ်ရှိကြောင်း သိရသည်။
အာရူဟိုသာ ပြန်ကစားနိုင်ပါက အဲရစ်ဂါစီယာမှာ ပွဲကစားခွင့်ရရန် ပိုမိုရုန်းကန် ရဖွယ်ရှိကြောင်း သုံးသပ်နေကြသည်။ ထို့ကြောင့် ဆိုစီဒက်နှင့် ဂျီရိုနာအသင်းတို့သည် အဲရစ်ဂါစီယာအား လာမည့်ဇန်နဝါရီတွင်ခေါ်ယူရန် အပြိုင်ကြိုးပမ်းလာဖွယ်ရှိကြောင်း သိရှိရသည်။
ဘာစီလိုနာအသင်းသည် အသင်းနှင့် ၂၀၂၆ ခုနှစ်တွင် စာချုပ်သက်တမ်း ကုန်ဆုံးမည့် အဲရစ်ဂါစီယာကို ရောင်းချဖွယ်ရှိကြောင်းလည်း သိရသည်။
