အာဇာနည်နေ့ ရုံးပိတ်ရက်၌ ဇလွန်ပြည်တော်ပြန် ဘုရားကြီးသို့ ရပ်ဝေးရပ်နီးမှ ဘုရားဖူးလာရောက်သူများပြားခဲ့ကြောင်း သိရသည်။

"ဘုရားကြီးမျက်နှာတော်သစ်ချိန် အမှီလာသူတွေကတော့ ညနေပိုင်းကတည်းက ကြိုလာကြရတယ်။ အရင်ကတော့ သွားလာခွင့်အချိန်ကန့်သတ်ချက်မရှိတော့ မနက်အစောကြီးထွက်လာကြတာပေါ့။ ရပ်ဝေးဘုရားဖူးတွေအများစုက မနက်မိုးလင်းမှထွက်လာကြပြီး ဒီကို နေ့လည်ပိုင်းမှ ရောက်ကြတာများတယ်​။ ဒေသတွင်းနီးစပ်ရာ မြို့နယ်တွေ ဘုရားဖူးတွေကတော့ မနက်ပိုင်းနဲ့ ညနေပိုင်းလာကြတာများပါတယ်"ဟု ဒေသခံတစ်ဦးက ဖြေကြားသည်။

မုနိလေးဆူအနက် တစ်ဆူအပါအဝင်ဖြစ်သည့် ဇလွန်မြို့၊ မာရ်အောင်မြင်ပြည်တော်ပြန်ဘုရားကြီးသည် ဧရာဝတီတိုင်းဒေသကြီး၌ ထင်ရှားသည့် ဘုရားတစ်ဆူဖြစ်သည်။