ချယ်လ်ဆီးသို့ အပြီးသတ်ပြောင်းရန် ဂျော်အိုဖေးလစ် ဆန္ဒရှိ

Photo: UEFA

Published 16 February 2023

အက်သလက်တီကိုမှ ချယ်လ်ဆီးသို့ အငှားဖြင့်လာရောက်ကစားနေသည့် ပေါ်တူဂီတိုက်စစ်ကစားသမား ဂျော်အိုဖေးလစ်သည် ချယ်လ်ဆီးသို့ အပြီးသတ် ပြောင်းရွှေ့ရန် ဆန္ဒရှိနေကြောင်း စပိန်သတင်းစာ Relevo က ဖော်ပြခဲ့သည်။

ချယ်လ်ဆီးအသင်းသည် ပြီးခဲ့သည့်ဇန်နဝါရီတွင် ဂျော်အိုဖေးလစ်ကို အက်သလက်တီကိုအသင်းမှ ယခုရာသီကုန်အထိ အငှားဖြင့်ခေါ်ယူခဲ့ပြီး အပြီးသတ်ခေါ် ယူခွင့်မပါဝင်ကြောင်း သိရသည်။

သို့သော် ချယ်လ်ဆီးအသင်းသည် ဂျော်အိုဖေးလစ်ကို အပြီးသတ်ခေါ်ယူရန် ဆန္ဒရှိနေသလို၊ ကစားသမားကလည်း အပြီးသတ် ပြောင်းရွှေ့လိုနေကြောင်း သိရသည်။

အက်သလက်တီကိုအသင်းသည် ဂျော်အိုဖေးလစ်ကို ပေါင် (၁၂၄) သန်းရပါက ရောင်းချဖွယ်ရှိကြောင်း သိရသည်။