ဒီဘက်နောက်ပိုင်း ဥရောပထိပ်တန်းလိဂ် (၅)ခုထဲမှာ ချန်ပီယံဆုနဲ့ပတ်သက်ပြီး အလှည့်အပြောင်းအကြီးမားဆုံးဖြစ်ခဲ့တဲ့ လိဂ်ကိုပြပါဆိုရင် အီတလီစီးရီးအေကိုပဲ ပြရပါလိမ့်မယ်။ ပြိုင်ဘက် ထိပ်တန်းလိဂ်တွေနဲ့ယှဉ်လိုက်ရင် စီးရီးအေရဲ့ပုံရိပ်၊ ဝင်ငွေနဲ့ အရည်အသွေးပိုင်းတွေက တစ်နှစ်ထက် တစ်နှစ် ပိုမိုကျဆင်းလာပေမဲ့ အနီးစပ်ဆုံးနှစ်အပိုင်းအခြားတွေကို ပြန်ကြည့်မယ်ဆိုရင်တော့ ချန်ပီယံအပြောင်းအလဲတွေ ခပ်စိပ်စိပ်ဖြစ်ခဲ့ခြင်းနဲ့အတူ ဘောလုံးပရိသတ်ရဲ့ စိတ်အာရုံကို ပြန်လည်ညှို့ ငင်နိုင်ခဲ့တယ်လို့ဆိုရမှာပါ။