၂၀၂၀ ရွေးကောက်ပွဲတွင် ပြည်ထောင်စုရွေးကောက်ပွဲကော်မရှင်(UEC)အပေါ် မလျော်သြဇာလွှမ်းမိုးခြင်းစွဲချက်ဖြင့် ဦးဝင်းမြင့်၊ ဒေါ်အောင်ဆန်းစုကြည်နှင့် ဦးမင်းသူတို့ကို ရာဇသတ်ကြီးပုဒ်မ ၁၃၀(က)ဖြင့် တရားစွဲထားသည့် အမှုနှင့်ပတ်သက် တရားလိုဖြစ်သူ ရွေးကောက်ပွဲကော်မရှင် ညွှန်ကြားရေးမှူး ဦးအောင်မျိုးလွင်အား ပြန်လှန်စစ်မေးမှုများ ပြုလုပ်ခဲ့ကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
ဇမ္ဗူသီရိတွဲဖက်မြို့နယ်တရားသူကြီး (၁) ရုံးထိုင်သည့် ဇမ္ဗူသီရိအထူးတရားရုံးတွင် ဖေဖော်ဝါရီ ၂၁ ရက်က ရာဇသတ်ကြီးပုဒ်မ ၁၃၀(က)ဖြင့် တရားစွဲဆိုခြင်းခံထားရသည့် သမ္မတဟောင်း ဦးဝင်းမြင့်၊ အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်၊ ပြည်ထောင်စုဝန်ကြီးဟောင်း ဦးမင်းသူအား ရုံးထုတ်စစ်ဆေးခဲ့ကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
၂၀၂၀ ရွေးကောက်ပွဲတွင် ပြည်ထောင်စုရွေးကောက်ပွဲကော်မရှင်အား မလျော်သြဇာသုံး၍ လွှမ်းမိုးခြင်းကြောင့်ဆိုကာ ဦးဝင်းမြင့်၊ ဒေါ်အောင်ဆန်းစုကြည်နှင့်ဦးမင်းသူတို့ကို ရာဇသတ်ကြီးပုဒ်မ ၁၃၀(က)ဖြင့် တရားစွဲဆိုထားသည့် အမှုနှင့်ပတ်သက်၍ တရားလိုဖြစ်သူ ရွေးကောက်ပွဲကော်မရှင် ညွှန်ကြားရေးမှူး ဦးအောင်မျိုးလွင်အား အဓိကစစ်မေးခြင်းနှင့် စွပ်စွဲခံရသူ၏ ရှေ့နေများက ပြန်လှန်စစ်မေးခြင်းများကို ပြုလုပ်ခဲ့ကြောင်း အမှုနှင့် ပတ်သက်၍ ထွက်ပေါ်လာသည့် သတင်းများအရ သိရသည်။
ဦးဝင်းမြင့်၊ ဒေါ်အောင်ဆန်းစုကြည်နှင့် ဦးမင်းသူတို့အား ရာဇသတ်ကြီးပုဒ်မ ၁၃၀(က)ဖြင့် တရားစွဲဆိုထားသည့် အမှုအတွက်တရားလိုဖြစ်သူအား စစ်ဆေးမှုပြီးစီးသွားခြင်းကြောင့် လာမည့်ရုံးချိန်းတွင် တရားလိုပြသက်သေအဖြစ် တင်ပြထားသည့် အမြဲတမ်းအတွင်းဝန် ဦးဇော်သန်းသင်းအား စတင်စစ်ဆေးမည်ဖြစ်ကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
အထက်ပါအမှုနှင့်ပတ်သက်၍ တရားလိုပြသက်သေ ၂၀ ဦး တင်ပြထားပြီး တရားလိုပြသက်သေများအား ဧပြီ ၁၈ ရက် ရုံးချိန်းတွင် အပြီးစစ်ဆေးရန်အတွက် လျာထားကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
ဦးဝင်းမြင့်၊ ဒေါ်အောင်ဆန်းစုကြည်နှင့် ဦးမင်းသူတို့အား ရာဇသတ်ကြီးပုဒ်မ ၁၃၀ (က)ဖြင့် တရားစွဲဆိုထားသည့်အမှုနှင့် ပတ်သက်၍ မှုခင်းစီမံခန့်ခွဲမှုအစည်းဝေး(CMP) ပထမအဆင့်ဆွေးနွေမှုတွင် ရက်ပေါင်း ၁၈၀ အတွင်းအမှုကို အပြီးစစ်ဆေးရန် ဆုံးဖြတ်ထားကြောင်းနှင့် ဖေဖော်ဝါရီ ၂၈ ရက်တွင် ထပ်မံရုံးထုတ်စစ်ဆေးရန် ချိန်းဆိုထားကြောင်း အမှုနှင့်ပတ်သက်၍ ထွက်ပေါ်လာသည့် သတင်းများအရ သိရသည်။
