ကုန်းလမ်းပို့ဆောင်ရေးညွှန်ကြားမှု ဦးစီးဌာနတွင် နိုဝင်ဘာလကုန်အထိ မှတ်ပုံတင်ထားသော ယာဉ်အစီးအရေ ရ၆၇၃၆၂၉ စီးရှိကြောင်း အဆိုပါဌာန၏ သတင်းထုတ်ပြန်မှုအရ သိရသည်။
မှတ်ပုံတင်ထားသည့် ယာဉ်အစီးအရေအတွက် ၇၆၇၃၆၂၉ စီးတွင် လူစီးယာဉ် ၅၉၂၁၀၃ စီး ၊ ခရီးသည်တင်ယာဉ် ၂၉၉၆၄ စီး ၊ ကုန်တင်ယာဉ်(ဝန်ပေါ့) ၃၇၀၈၁၄ စီ ၊ ကုန်တင်ယာဉ်(ဝန်လေး) ၅၂၇၂၆ စီး ၊ အခြား ယာဉ် ၁၀၆၀၃၈ စီး၊ နှစ်ဘီးတပ်ယာဉ် ၆၃၄၀၆၁၉ စီး ၊ သုံးဘီးတပ်ယာဉ် ၁၂၄၃၄၅ စီး ၊ ထရော်လာဂျီယာဉ် ၃၅၃၉၃ စီး ၊ စက်ယန္တ ရား ယာဉ် ၂၂၆၅ စီး ၊ နောက်တွဲယာဉ် ၁၉၃၆၂ တို့ ပါဝင်ကြောင်း သိရသည်။
လူစီးယာဉ်တွင် ဆလွန်း၊ စတေရှင်ဝက်ဂွန်း ၊ ခရီးသည်(၁၅)ဦးအထိ မိုက်ခရိုဘတ်စ်၊ လိုက်ဗင်န် ၊ ဂျစ် ၊ DOUBLE CAB ယာဉ်များ၊ ခရီးသည်တင်ယာဉ်တွင် ခရီးသည် ၁၅ ဦးအထက် မီနီဘတ်စ်၊ ရိုးရိုးဘတ်စ်ယာဉ်များ၊ ကုန်တင်ယာဉ်(ဝန်ပေါ့တွင်) ပစ်ကပ် ၊ Single Calb ၊ လိုက်ထရပ်နှင့်တင်ဆောင်နိုင်အား ၃ တန်နှင့် ၃ တန်အောက်ဗင်န်၊ ထရပ်ယာဉ်များ ၊ အခြားယာဉ်များတွင် လူနာတင်ယာဉ်၊ မီးသတ်ယာဉ်၊ ကရိန်းယာဉ်၊ နိဗ္ဗာန်ယာဉ်၊ ဆီတင်ယာဉ်၊ ရေတင်ယာဉ်၊ ပိုက်လုံးတင်ယာဉ်၊ ဆယ်တင်ယာဉ်၊ တွင်းတူးစက်တင်ယာဉ်၊ မြေသယ်ယာဉ်နှင့်ကွန်ကရစ်ဖျော်စက်ယာဉ်များ ပါဝင်ကြောင်း သိရသည်။
ထို့ပြင် နှစ်ဘီးတပ်ယာဉ်တွင် စက်တပ်စက်ဘီး ၊ မိုပတ်ဆိုင်ကယ်၊ စကူတာဆိုင်ကယ်နှင့် ရိုးရိုးနှစ်ဘီးတပ်ဆိုင်ကယ်၊ လျှပ်စစ်ဆိုင်ကယ် ၊ သုံးဘီးတပ်ယာဉ်တွင် သုံးဘီတပ် မော်တော်ဆိုင်ကယ်၊ လျှပ်စစ်သုံးဘီးဆိုင်ကယ်၊ သုံးဘီးယာဉ်များ ၊ ထရော်လာဂျီယာဉ်တွင် ထရပ်တာ ၊ လယ်ယာသုံးထရပ်နှင့် ထရော်လာဂျီ (လယ်တွန်းထွန်စက်)များ ၊ စက်ယန္တရားယာဉ်တွင် Bulldozer (မြေထိုးစက်)၊ Loader (မြေတင်စက်) ၊ Glader (မြေညှိစက်)၊ Excavatoer (Backhoe) မြေတူးကော်စက်၊ Road Roller (လမ်းကြိတ်စက်) ၊ Viratting Roller (တုန်ခါလမ်းကြိတ်စက်) ၊ Soil Compactor (မြေသိပ်သည်းစက်) ၊ Scraper (မြေသယ်စက်) ၊ Stone Crusher (ကျောက်ခွဲစက်) ၊ Click Loader (သစ်လုံးတင်စက်) ၊ Crane (ဝန်ချီစက်) ၊ Forklift Truck (ဝန်ချီစက်)၊ Concrete Agitator Truck (ကွန်ကရစ် သယ်ယာဉ်) ၊ Asphaltt Bitumen Sprayer (နိုင်လွန်ကတ္တရာဖျန်းယာဉ်) များပါဝင်ကြောင်း သိရသည်။
အလားတူ နောက်တွဲယာဉ်တွင် Full Trailer (မိမိဝင်ရိုးပေါ်တွင် သီးခြားရပ်တည် ရွေ့လျားနိုင်သော နောက်တွဲယာဉ်) ၊ Semi-Tralier (ချိတ်ဆွဲယာဉ်တွင် တစ်ဝက်တင်ဆောင်၍ ရွေ့လျားနိုင်သော်နောက်တွဲယာဉ်)၊ Multi-Trailer (ဝင်ရိုးသုံးချောင်းနှင့်အထက် ရှိပြီး မိမိဝင်ရိုးပေါ်တွင် သီးခြားရပ်တည် ရွေ့လျားနိုင်သော နောက်တွဲယာဉ်များများ ပါဝင်ကြောင်း သိရသည်။
အဆိုပါယာဉ်များတွင် ပုဂ္ဂလိကပိုင်ယာဉ်၊ ပုဂ္ဂလိက အငှားယာဉ်၊ အစိုးရပိုင်ယာဉ်၊ အစိုးရပိုင် အငှားယာဉ်ဟု အမျိုးအစားခွဲထားပြီး လောင်စာဆီသုံးစွဲမှုအနေဖြင့် ဓာတ်ဆီ ၊ ဒီဇယ်၊ CNG ၊ LPG ၊ EV ၊ HV တို့သုံးစွဲသည့် ယာဉ်အမျိုးအစားများဖြစ်ကြောင်း သိရသည်။
