တစ်ချိန်တုန်းက စပါးအသင်းနဲ့အတူ ထင်ရှားဖူးရာ ကွင်းလယ်ရှုမျှော်ခင်းဟာ ဒေးဗစ်ဂျီနိုလာ ပါပဲ။ သူ့ရဲ့ ကိုယ်နေဟန်ထားကြောင့် ထင်ရှားခဲ့သူလည်း ဖြစ်ပြန်တယ်။ အခုဆိုရင် သူ့အသက်က (၅၄)နှစ်ရှိနေပါပြီ။ တတိယအရွယ်ထဲ ချဉ်းနင်းဝင်ရောက်နေပေမဲ့ သူ့နှလုံးသားဟာ လတ်ဆတ်နေဆဲပါပဲ။ သူ့ထက် အသက် (၂၂)နှစ်ငယ်ရွယ်သူ မီဗာဒဲလ်နတ်နဲ့ ချစ်မေတ္တာဇာတ်လမ်း ဖွဲ့သီနေပါတယ်။ မီဗာဒဲလ်နတ်ဟာ ဒေးဗစ်ဂျီနိုလာရဲ့ ချစ်မေတ္တာအာသီသကို ဖြည့်ဆည်းပေးရုံသာမကဘဲ ဒေးဗစ်ဂျီနိုလာရဲ့ ရှင်သန်လိုစိတ်ကိုပါ ပြုစုပျိုးထောင်ပေးခဲ့သူပါ။ နှလုံးရောဂါခြိမ်းခြောက်မှုကြောင့် စိတ်ဓာတ်ကျနေချိန်မှာ ဒေးဗစ်ဂျီနိုလာအနား နှစ်သိမ့်ဖေးမခဲ့သူဟာ မီဗာဒဲလ်နတ်ပါပဲ။