လာဇီယိုယူ-၁၅ နှင့် ယူ-၁၆ အသင်းတွင် ကစားခဲ့ဖူးသည့် လူငယ်ကစားသမား ဂွီရီနီ၏ အမှတ်တရအုတ်ဂူမှ ပစ္စည်းများခိုးယူခံရကြောင်း သူ၏မိခင်က အတည်ပြုပြောကြားခဲ့သည်။
ဂွီရီနီသည် ပြီးခဲ့သည့်မတ်လအတွင်းက ယာဉ်မတော်တဆမှုကြောင့် ကွယ်လွန်ခဲ့ခြင်းဖြစ်ပြီး သူ၏အုတ်ဂူအနီးတွင် လာဇီယိုတိုက်စစ်မှူး အီမိုဘီလီအပါအဝင် ကစားသမားနှင့် ပရိသတ်များစွာက အမှတ်တရပစ္စည်းများ ထားရှိပေးခဲ့သည်။
ယခုအခါ အဆိုပါအမှတ်တရပစ္စည်းများထဲမှ တန်ဖိုးရှိသည့် အရာများစွာ ခိုးယူခံခဲ့ရသဖြင့် ဂွီရီနီ၏မိခင်ဖြစ်သူမှာ စိတ်ပျက်ဒေါသထွက်နေပြီး အီမိုဘီလီ၊ တော့တီတို့က ကျူးလွန်သူကို ပြစ်တင်ခဲ့သည်။
