ပြင်သစ်လက်ရွေးစင်တိုက်စစ်မှူး ဂရီးဇ်မန်းက အသင်းသမိုင်းတွင် ဂန္ထဝင်ကစားသမား ပလာတီနီ၏ဂိုးသွင်းစံချိန်ကို လိုက်မီခဲ့သည့်အတွက် ဂုဏ်ယူကြောင်း ပြောကြားခဲ့သည်။
အသက် (၃၀)နှစ်အရွယ်ရှိ ဂရီးဇ်မန်းသည် ပြီးခဲ့သည့်အင်္ဂါနေ့က ကစားခဲ့သည့် ၂၀၂၂ ကမ္ဘာ့ဖလားခြေစစ်ပွဲ ပြင်သစ် (၂-၀) ဖင်လန်ပွဲတွင် အသင်းအတွက် အနိုင်ဂိုး (၂)ဂိုးစလုံးကို သွင်းယူပေးခဲ့သည်။
ထို့ကြောင့် ပြင်သစ်လက်ရွေးစင်အသင်းအတွက် ဂရီးဇ်မန်း၏သွင်းဂိုးမှာ (၄၁)ဂိုးအထိ ရှိလာခဲ့ပြီး အသင်းဂန္ထဝင်ကစားသမား ပလာတီနီနှင့်တူညီခဲ့ကာ ဂိုးသွင်းအများဆုံးစာရင်းတွင် အဆင့် (၃)နေရာ၌ ပူးတွဲရပ်တည်နိုင်ခဲ့သည်။
ထို့ပြင် ဂရီးဇ်မန်းအနေဖြင့် အသင်းသမိုင်းတွင် ဂိုးသွင်းအများဆုံးအဖြစ် ရပ်တည်နေသည့် အွန်နရီ(၅၁ ဂိုး)၏စံချိန်ကို လိုက်မီရန်လည်း (၁၀)ဂိုးသာ လိုတော့သည်။
ဂရီးဇ်မန်းက ''ပလာတီနီရဲ့စံချိန်ကို လိုက်မီခဲ့တာဟာ ကျွန်တော့်အတွက် ဂုဏ်ယူစရာပါ။ ပြင်သစ်အသင်းအတွက် စတင်ကစားခဲ့တဲ့ ၂၀၁၄ ကစပြီး ကစားခွင့်ရတဲ့အချိန်တိုင်းမှာ အသင်းအတွက် ကျွန်တော် အကောင်းဆုံးကြိုးစားခဲ့ပါတယ်။ ဖင်လန်နဲ့ပွဲက
စွမ်းဆောင်မှုအတွက် ကျွန်တော် ပျော်ပါတယ်''ဟု ပြောကြားခဲ့သည်။
ဂရီးဇ်မန်းသည် ပြင်သစ်အသင်းတွင် ၂၀၁၄ ခုနှစ်က စတင်ပွဲထွက်ခဲ့ကာ (၉၈)ပွဲတွင် (၄၁)ဂိုးသွင်းယူထားပြီး အသင်းနှင့် ၂၀၁၈ ကမ္ဘာ့ဖလား ချန်ပီယံဆုကို ရယူထားနိုင်ခဲ့သည်။
