လာဇီယိုအသင်း၏ ကွင်းလယ်ကစားသမား လူးဝစ်အယ်လ်ဘာတိုက အသင်းနည်းပြသစ် ဆာရီ၏နည်းဗျူဟာများအပေါ် ချီးကျူးပြောဆိုမှုများပြုလုပ်ခဲ့သည်။
လာဇီယိုအသင်းသည် ဒေသတွင်း အသင်းငယ်လေးတစ်သင်းနှင့် ခြေစမ်းကစားခဲ့ရာ (၁၁-ဝ)ဂိုးဖြင့် အနိုင်ရရှိခဲ့ပြီး၊ ကစား သမားသစ် ဖိလစ်ပီအန်ဒါဆန်လည်း ဝင်ရောက်ကစားခဲ့သည်။
ယင်းပွဲတွင် (၃) ဂိုးသွင်းယူခဲ့သည့် လူးဝစ်အယ်လ် ဘာတိုက "ဆာရီရဲ့ နည်းဗျူဟာတွေက လှပပြီး ဆန်းသစ် တီထွင်မှုရှိပါတယ်။ အသင်းနဲ့လည်း အံဝင်ခွင်ကျရှိတယ်လို့ ခံစားရပါတယ်"ဟု ပြောကြားခဲ့သည်။
လာဇီယိုအသင်းဝါရင့်ကွင်းလယ်လူ လူးကပ်စ်လီဗာကလည်း မိမိတို့အနေဖြင့် ဆာရီ၏ နည်းစနစ်များအတိုင်း ကစားနိုင်ရန် အစွမ်းကုန်လေ့ကျင့်နေကြောင်း ပြောကြားခဲ့သည်။
လာဇီယိုအသင်းသည် ပြီးခဲ့သည့် ၂၀၂၀-၂၁ ရာသီကုန်တွင် အင်တာမီလန်အသင်းကို ကိုင်တွယ်ရန် ထွက်ခွာသွားခဲ့သည့် နည်းပြ ဆီမြွန်နီအင်ဇာကီ၏နေရာတွင် ဆာရီကို အစားထိုးခန့်အပ်ခဲ့ခြင်းဖြစ်သည်။
