ရပ်နားထားသည့် ပရီးမီးယားလိဂ်ပြိုင်ပွဲကို ပြန်လည်စတင်နိုင်ခဲ့ပါက ပွဲစဉ် အချို့ကို YouTube မှ တိုက်ရိုက်ထုတ်လွှင့်ပြသဖွယ်ရှိကြောင်း သိရသည်။ 

လက်ကျန်ပရီးမီးယားလိဂ်ပွဲစဉ်(၉၂)ပွဲကို ကွင်းပိတ်ကစားသွားရမည်ဖြစ်၍ ရုပ်သံများမှသာမက YouTube မှပါ အခမဲ့ထုတ်လွှင့်ပြသသွားရန် ပရီးမီးယားလိဂ်ကလပ်အသင်းများက လိုလားနေကြောင်း သိရသည်။ 

ပရီးမီးယားလိဂ်အသင်းတာဝန်ရှိသူများက ပွဲတိုင်းကို ပရိသတ်များထံ တိုက်ရိုက်ထုတ်လွှင့်ပြသပေး နိုင်ရန် ဆန္ဒရှိနေခြင်းဖြစ်သည်။ ယင်းအစီအစဉ်အတွက် လက်ရှိအချိန်တွင် ဆွေးနွေးညှိနှိုင်းနေပြီဖြစ်ကြောင်း သိရသည်။