ရခိုင်ပြည်နယ်ရှိ မြို့နယ်လေးခုတွင် အင်တာနက်ပြတ်တောက်မှု ၆ လကျော်မှုကို ချက်ချင်းရပ်တန့်ပေးရန် ရန်ကုန်တွင် ဆန္ဒပြ
Photo – Kyi naing
ရခိုင်ပြည်နယ်ရှိ မြို့နယ်လေးခုတွင် အင်တာနက်ပြတ်တောက်မှု ၆ လကျော်လာပြီဖြစ်ရာ အင်တာနက်ဖြတ်တောက်မှု ချက်ချင်းရပ်တန့်ပေးရန် ဆန္ဒပြမှု ဒီဇင်ဘာ ၂၄ ရက် ညနေပိုင်းက ရန်ကုန်မြို့ မဟာဗန္ဓုလပန်းခြံရှေ့တွင် ပြုလုပ်ခဲ့ကြောင်းသိရသည်။
ရခိုင်ပြည်နယ်ရှိ မြောက်ဦးမြို့နယ်၊ မင်းပြားမြို့နယ်၊ ပုဏ္ဏာကျွန်းမြို့နယ်နှင့် ကျောက်တော်မြို့နယ်တို့တွင် လူဦးရေ ၇ သိန်းနီးပါးနေထိုင်လျက်ရှိပြီး အင်တာနက်အသုံးပြုခွင့်မရှိဘဲ နေထိုင်လာရသည်မှာ ၆ လကျော် ကြာလာပြီဖြစ်သည်။
