PSG အသင်းတိုက်စစ်မှူး နေမာက အသင်းလူငယ် ကစားသမားများအနေဖြင့် စီနီယာကစားသမားများကို လေးစားမှုရှိရန်လိုအပ်ကြောင်း ဝေဖန်ပြောကြားခဲ့သည်။
ရန်းစ်အသင်းအား ရှုံးနိမ့်ပွဲမှ လူငယ်ကစားသမားများ၏ အားထုတ်မှုကို နေမာက ဒေါသထွက်နေပြီး ယခုကဲ့သို့ ပြောဆိုခဲ့ခြင်းလည်း ဖြစ်သည်။
နေမာက "ကျွန်တော်တို့အသင်းအနေနဲ့ အခုပိုပြီးစုစည်းမှုရှိဖို့ လိုတယ်။ ကြိုးစားဖို့ လိုတယ်။ PSG အသင်းမှာ လူငယ်တွေက စကားများပြီး နားမထောင်ကြဘူး။ စီနီယာကစားသမားတွေ၊ နည်းပြတွေ ပြောတာကိုလည်း သူတို့က ဂရုတောင်မစိုက်ဘူး။ ဒါကြောင့် PSG အသင်းက ဖြစ်သင့်သလောက် ဖြစ်မလာဘူး။ လူငယ်ကစားသမားတွေအနေနဲ့ စီနီယာကစားသမားတွေအပေါ် လေးစားမှုရှိဖို့ စကားနားထောင်ဖို့ လိုပါတယ်။ ကျွန်တော်လူငယ်ကစားသမားဘဝတုန်းက ဆိုရင် စီနီယာကစားသမားတွေရဲ့ စကားကို တလေးတစားနဲ့ နားထောင်လေ့ရှိပြီး အခု လူငယ်တွေအနေနဲ့လည်း ဒီလမ်းကြောင်းအတိုင်း လိုက်ဖို့လိုမယ်လို့ ထင်ပါတယ်" ဟု ပြောကြားခဲ့သည်။
