မြန်မာအားကစားအဖွဲ့များသည် လက်ရှိဝင်ရောက်ယှဉ်ပြိုင်နေသည့် (၂၉)ကြိမ် မြောက်ဆီးဂိမ်းစ်ပြိုင်ပွဲတွင် အားကစားနည်းအလိုက် ပြိုင်ပွဲများပြီးဆုံးပါက နောက်ရက်တွင် ရန်ကုန်မြို့သို့ ပြန်ရကြောင်း သိရသည်။

ယင်းကဲ့သို့ ပြန်ရခြင်းအတွက် မြန်မာအားကစားအဖွဲ့အချို့မှာ ဝေဖန်မှုများပြုလုပ်လျက်ရှိကြောင်း သိရသည်။ ပြိုင်ပွဲကျင်းပ သည့်ပုံစံအရ အားကစားနည်းများကို ရက်အလိုက် ကျင်းပလေ့ရှိပြီး ပြိုင်ပွဲပြီးဆုံးပါက ပြန်လည်ထွက်ခွာရသည်။

သို့သော် အားကစားသမားများမှာ ပြိုင်ပွဲပြီးဆုံးသည်နှင့် ပြန်ရသောကြောင့် အထင်ကရနေရာများသို့ သွားရောက်နိုင်ခြင်းမရှိသည့်အပြင် ဖွင့်ပွဲမတိုင်မီ ပြီးဆုံးခဲ့သည့် အားကစားအဖွဲ့များမှာလည်း ဖွင့်ပွဲသို့ တက်ရောက်ခွင့်မရဘဲ ပြန်ရသောကြောင့် လူမှုကွန်ရက်များတွင် ဝေဖန်မှုများ ထွက်ပေါ်နေခဲ့ခြင်းဖြစ်သည်။

ပြီးခဲ့သည့် ဆီးဂိမ်းစ်ပြိုင်ပွဲတွင်လည်း အားကစားအဖွဲ့များသည် ပြိုင်ပွဲပြီးဆုံးပါက နောက်ရက်တွင် ပြန်လည်ထွက်ခွာခဲ့ရကြောင်း သိရသည်။ မြန်မာအားကစားအဖွဲ့များအနက် အချို့အားကစားအဖွဲ့ဝင်များမှာ ဖွင့်ပွဲမတိုင်မီ ရန်ကုန်

(၂၉)ကြိမ်မြောက် ဆီးဂိမ်းစ်ပြိုင်ပွဲ ဖွင့်ပွဲနေ့တွင် တွေ့ရသည့် မြန်မာအားကစားအဖွဲ့ (Photo: AFP)

သို့ ပြန်သွားခဲ့ရသည်။